Niyrołz[1] to mje[2] jakosik tak korci, żeby cojś pokōmbinować[3] ze receptym[4]. Tyn syrnik żech prōbowoł na roztomajte[5] sposoby, ale jak żech przijechoł[6] do moji Mutry[7], to pedziała[8], że moł[9] jeszcze kans[10] mielōnych łorzechōw, a w łogrōdku[11] rabarbar. To żech sie wymyślōł[12] tako wersja. Potyn sie okołzało[13], że tego rabarbru wcale niy ma za dużo i stykło[14] go yno na pó[15] blachy- take życie. Na zdjyńciu[16] je kōnsek[17] z tyj drugi połowy, bo ta z rabarbarym zjadły kômratki[18] łod[19] moji Mutry- to chyba dobroł recynzja ?
Co potrza?
Spodek:[20]
1 szklônka[21] mielōnych łorzechōw
1 szklônka mōnki pszynny
2 żółtka
100 g masła
pó szklōnki cukru
1,5 łyżeczki proszku do pieczynia
Syrnik:
1 kg syra- nojlepi[22] z wiaderka, bo co sie mołcie[23] jeszcze smolić[24] z mielyniym
1 litr mlyka[25]
1,5 szklōnki cukru (jakby co, to mogecie sie dać yno 1 szklônka)
6 żôłtek
2 pudingi[26] śmiytankowe abo waniliowe
4 łeżki łoleju[27]
4 łeżki śmiytōnki
kapka arōmatu waniliowego
…
Rabarbar- połra[28] łobranych łodygōw[29] pokrejcie[30], zasypcie 2 łeżkami cukru i odstołwcie, żeby puściōły sok.
Gôra:
8 biôłek
pó szklônki łorzechôw
2 łeżki cukru pudru
Blacha do tego syrnika nojlepi, żeby bōła trocha wyższoł. Wyłōżcie sie jōm papiōrym do pieczynioł tak, żeby wystołwoł[31] ponad blachōm. Nojprzōd weznymy[32] sie za te kruche na spodek. Wszyjske składniki wciepcie[33] do miski, wyrōbcie na jednolitoł masa i wyłōżcie na blacha.
Piec sie rozgrzyjcie na 200 stopni.
Tera[34] syrnik- wejście[35] się na to srogoł[36] miska, żebyjście niy okidali[37] cały kuchni. Żōłtka zmiksujcie ze cukrem, aż trocha pojaśniejōm. Dejcie puding, śmiytônka, łolyj[38], arômat i dobrze wymiyszejcie. Tera syr, mlyko i rozfyrlejcie[39] to mikserym tak, co by sie to wszysko fajnie pomiyszało.
Tyn rabarbar odcedźcie, wciepcie[40] na blacha i na wszysko wylyjcie[41] tyn syr. Niy przejmujcie sie, że tyn rabarbar trocha pływo, dejcie yno pozōr[42], żeby bōł równomiernie rozłożony po blasze i żeby sie Wōm nic niy rozloło[43], jak bajecie[44] tyn syrnik wsołdzać[45] do pieca.
Moł[46] siedzieć we piecu godzina, ale jak bydzie 50 minut, to łobejrzyjcie,[47] czy sie niy przipołlo,[48] bo te pierzińske piece niyroz robiōm nōm take wice[49]. Jakby co, wyciōngcie[50] go trocha pryndzy[51] abo połôżcie na wiyrch konsek[52] papiōru do pieczynioł.
Ubijcie te biōłka- wciepcie tam w palcach trocha soli[53]. Dejcie cuker puder, łorzechy i dobrze wymiksujcie.
Rozłōżcie te biōłka na syrniku i dejcie jeszcze do pieca na 10-15 minut. Pod kōniec mogecie go wyłōnczyć[54] i nawet leko[55] uchylić drzwiczki, żeby sie ta gōra trocha podsuszōła[56].
Nojlepi tyn syrnik upiyc dziyń naprzōd[57], bo potrzebuje trocha czasu, żeby sie porzōndnie ochōdziōł[58] i stynżoł[59].
Smacznego 🙂
[1] czasem
[2] mnie
[3] ō- samogłoska między o i u
[4] przepis
[5] różne
[6] przyjechał
[7] mojej Mamy
[8] powiedziała
[9] ma
[10] dużo
[11] ogródku
[12] wymyślił
[13] okazało
[14] wystarczyło
[15] połowę
[16] zdjęciu
[17] kawałek
[18] koleżanki
[19] od
[20] spód
[21] szklanka
[22] najlepiej
[23] macie
[24] niepotrzebnie męczyć
[25] mleka
[26] budynie
[27] oleju
[28] kilka
[29] łodyg
[30] pokrójcie
[31] wystawał
[32] zabierzemy się
[33] wrzućcie
[34] teraz
[35] proszę wziąć
[36] duża
[37] pobrudzili
[38] olej
[39] wymieszajcie
[40] wrzućcie
[41] wylejcie
[42] proszę uważać
[43] rozlało
[44] będziecie
[45] wsadzać
[46] ma
[47] zabaczcie
[48] przypala
[49] robią takie psikusy
[50] wyciągnijcie
[51] wyciągnijcie go trochę wcześniej
[52] na górę kawałek
[53] szczyptę
[54] wyłączyć
[55] lekko
[56] posuszyła
[57] wcześniej
[58] porządnie ostygł
[59] stężał
Dodaj komentarz