Kyjksy (Ciasteczka maślane)




Jak żech już wciep[1] sam mirbetajg,[2] to terozki[3] prziszła kolyj na kyjksy. Moja Muter robi je bez[4] maszynka do miysa[5] (w tych starych je takoł[6] nakładka), ale joł[7] taki niy mioł[8] i żech sie je pokuloł nudelkulōm.[9] Przepis podstawowy to je jedno, ale potyn idzie sie zrobić roztomajte[10] wersje. Idzie dać arōmat waniliowy  (abo cuker waniliowy), zetrzyć skōrka ze citrōłny,[11] ze apfylziny,[12] abo i dać kwiołtki[13] ze lawyndy.[14] Niy pomylyliście sie- napisołech lawyndy, bo żech take sprōbowoł zrobić. Nojprzōd[15] zjodlech[16] sie taki kwiołtek na surowo- ale same płatki- i musza pedzieć,[17] że mo[18] fajny smak. Na hica[19] tako woda ze kwiołtkōma lawyndy i lodym to by bōło[20] co nowego. Joł prōbowoł zrobić z nimi kyjksy, ale miołech ty[21] lawyndy po pokrōniu[22] yno[23] 2 łeżki- oszkubołech[24] Teściowyj wszyske kwiōłtki ze łogrōdka-  i tyn aromat po upieczyniu bōł trocha za słaby. Jakby fto[25] chcioł sie sprōbować cojś nowego, to dejcie ich ze 4 łeżki.[26]

Co potrza?
kostka masła
1 szklōnka[27] cukru
1 jajco całe
4 żōłtka
2 łyżeczki proszku do pieczynioł
3,5 – 4 szklōnki mōnki[28] pszynny
arōmat: waniliowy, skōrka ze citrōłny, apfylziny… niech Wōm wyobraźnia sam co podpowiy.

Dejcie[29] do miski masło, cuker, jajca, tyn dodatek arōmatyczny i fajnie to wymiyszejcie.[30] Potyn dosypujcie mōnki (+ proszek do pieczynia) i ugniotejcie. Niy sypcie całyj mōnki na rołz,[31] wsypcie sie na poczōntek 2 szklōnki, a potyn jak się jeszcze bydzie Wōm[32] to cały czołs[33] mocno klejōło[34] do rynki, to dołwejcie ji wiyncyj.[35] Jak już bajecie[36] widzieć, że je niy[37] za klejōnce i niy za suche, to mogecie[38] te ciasto wciepnōńć[39] do maszynki i bez odpowiednio kōńcōwka wycisnōńć[40] fajne kyjksy, abo wziōńć[41] sie nudelkyla, posypać jōm[42] mōnkōm, urwać sie trocha ciasta, rozwałkować je- jakby sie Wōm za mocno klejōło, to posypcie sie je jeszcze trocha mōnkōm-  i małym keliszkym[43] powycinać kōłka. Rozgrzyjcie piec na 180 stopni. Na blacha dejcie[44] papiōr do pieczynioł i na nim poukłołdejcie[45] sie te kyjksy. Wsołdźcie[46] je do pieca na 10-15 min i jak już sie zrobiōm fajnie złote, to je wyciōngcie.[47] Dejcie yno pozōr,[48] żeby sie niy przipołlōły[49] i smacznego 🙂

 

Kyjksy- małe

 

[1] wrzuciłem

[2] ciasto kruche

[3] teraz

[4] przez

[5] mięsa

[6] taka

[7] ja

[8] nie miałem

[9] rozwałkowałem wałkiem do ciasta

[10] różne

[11] cytryny

[12] pomarańczy

[13] kwiatki

[14] lawendy

[15] najpierw

[16] zjadłem

[17] powiedzieć

[18] ma

[19] upał

[20] było

[21] tej

[22] pokrojeniu

[23] tylko

[24] oskubałem

[25] ktoś

[26] łyżki

[27] szklanka

[28] mąki

[29] dajcie

[30] wymieszajcie

[31] ra raz

[32] Wam w znaczeniu Państwu

[33] czas

[34] kleiło

[35] dajcie jej więcej

[36] będziecie

[37] nie

[38] możecie

[39] wrzucić

[40] wycisnąć

[41] wziąć

[42]

[43] kieliszkiem

[44] połóżcie

[45] poukładajcie

[46] włóżcie

[47] wyciągnijcie

[48] uważajcie

[49] przypaliły




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*