Szpajza szokoladowoł (Deser czekoladowy a’la Silesia ;) )

Szpajza szokoladowoł (Deser czekoladowy a’la Silesia 😉 )

Piyrwy1 niy bōło2 fajeru3 bez szpajzy, terozki zrobiōł sie z ni taki trocha syntymyntalny deser, ale joł tam lubia do niego wrołcać. Przepis na ta szpajza dostoł żech łod kucharki, co to tyla ich w życiu zrobiōła, że keby4 za kołżdo5 szpajza dostała złotek,6 to miałaby z tego niy nojgorszoł rynta.7 Podstawōm takego deseru sōm dobre jajca i keby żeśjcie sie chcieli jōm zrobić ze takich tōnich8 jajec ze sklepu, to dejcie sie pokōj.9 Do tego nojlepsze sōm take łod szczyńśliwych kurōw, co to sie mogōm polołtać10 po placu,11 podzióbać trołwy12 i od czasu do czasu znojś sie w ziymi13 jakego chrobołka.14 Jak mołcie take jajca, to bierymy sie do roboty 😉

Co potrza?

4 jajca

4 łeżki15 cukru

2 łeżki kakao

3 łyżeczki żelatyny

połra16 łeżek wody

50 g rodzynek (nojlepi je łoblołć17 wrzōntkym i na noc zamoczyć we rumie)

100 płatkōw ze mandli18 (piyrwy na wiyrchu sypało się kokosym, ale moja Baba go niy lubi i bez to joł dołwōm19 migdały)

Jajca umyjcie- joł do pewności jeszcze je łoblywōm wrzōntkym. Uwarzcie sie w gorczku20 połra łeżek wody i łozmiyszejcie21 w tym żylatyna. Oddzielcie biōłka od żōłtkōw. Ubijcie biōłka, pod kōniec wciepcie tam cuker. Potyn zmniyjszcie pryndkość i wciepujcie22 po jednym żōłtka, kakao i wlyjcie23 ochōdzōno24 żylantyna. Na kōniec wciepcie tam rodzynki i pó25 paczki mandli. Przełożcie sie to do jaki fajny miski i na gōrze posypejcie26 tōm resztōm mandli. Wrołźcie27 to do lodōwki, poczekejcie, aże stwardnie i …smacznego 🙂

1 dawniej

2 było

3 imprezy

4 gdyby

5 każdą

6 złotówkę

7 emerytura

8 tanich

9 odpuście sobie

10 pobiegać

11 podwórku

12 trawy

13 ziemi

14 robaka

15 łyżki

16 kilka

17 oblać

18migdałów

19 daję

20 garnuszku

21 rozmieszajcie

22 wrzućcie

23 wlejcie

24 ostudzoną

25 pół

26 posypcie

27 włóżcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




6 Komentarze

  1. Chopie!
    Jak mi ta szpajza nie wyjdzie to niy mosz nic do śmiychu! Chyca cie w Brzezinkach i naklupia!
    Zrobiołach gynał według twojego przepisu.
    To co żech wciepła do lodówki w misce było takie dobre, że żol było lodówka zamykać. Łobejrzymy rano. Dobranoc.
    Ako

Dodaj komentarz

Twój adres email nie zostanie opublikowany.


*