Tarta 3B- Brokuł, Boczek i Boryj (po polsku nie będzie 3B ;) )

Tarty robia łod1 jakegojś czasu. Niy biere2 to kans3 czasu, na wiyrch4 idzie powciepować5 roztomajte6 rzeczy i do tego wcale niy7 je droge. Kebyście8 czytali te recepty9 we ksiōnżkach, kaj10 kołżōm11 zrobiōne ciasto trzimać bez12 godzina we lodōwce, potyn- nim wrazicie13 je do pieca- na wiyrch wysuć14 specjalne fasolki… – to sie idzie przestraszyć. Joł15 tam sie niy byda16 z tym tak smolōł,17 a niy bōło jeszcze bezuchu,18 co by marudziōł- nawet jak mi bez cufal19 jedna zleciała20 na ziymia 😉

Co potrza?

Spodek:21
180 g mōnki pszynny
80 g masła
trocha wody (2-3 łeżki )
22 łyżeczki soli

Na wiyrch:

150 g boczku- co to po ślōnsku barzi23 sie nazywo wyndzōnka, ale… 3B… jak to godajōm: licentia poetica 😉
mały boryj24
mały brokuł
200 ml śmiytōnki  (joł tam lubia 36%)
2 abo 3 jajca
połra plastrōw żōłtego syra25
sōl i pieprz
gałka muszkatałowo

Nojprzōd spodek. Wciepcie26 wszyske składniki do miski i wyrōbcie na jednolitoł masa. Potyn wejście sie 2 kōnski27 papiōru do pieczynioł, wrołźcie28 sie pomiyndzy na środku te ciasto i nudelkulōm rozwałkujcie na łokrōngło.29ōnczcie sie piec na 200 stopni. Jedyn papiōr ściepcie30 i tōm sebleczōnōm31 strōnōm połōżcie na formie do tartōw (jak taki niy mołcie,32 to sie wejście wiynkszo forma na torta abo jako inkszo okrōngłoł). Ta reszta ciasta, co wyłajzi33 ze formy, mogecie34 urwać i wkleić kaj35 na środku- co sie moł36 marnować. Tera wrołźcie tyn spodek do pieca na 15 minut.
Bez tyn czas37 boczek dejcie38 na patelnia i niech sie fajnie podpiecze. Pod kōniec na chwila wciepcie tam tyż pokrōny39 boryj. Ze brokuła poobcinejcie te różyczki- ta reszta   łodygi sie na drugi dziyń mogecie wciepnōńć do jaki zupy. Śmiytōnki ubijcie, dociepcie dō ni jajca, trocha soli, pieprzu i gałki muszkatołowyj i wymiksujcie.
Jak już spodek baje40 podpieczōny, poukłołdejcie na nim te brokułowe różyczki, na to wysypcie boczek z borejym, łoblyjcie śmiytōnkōm z jajcami i przikryjcie plastrami syra. Dejcie na 30 minut do pieca na 180 stopni i fertich.41 Pokrejcie ta tarta, jak jake ciasto i… smacznego 🙂

 

Tarta 3B- Brokuł, Boczek i Boryj- małe

 

1od

2zajmuje

3dużo

4górę

5powrzucać

6różne

7nie

8jakbyście

9przepisy

10gdzie

11każą

12przez

13włożycie

14wysypać

15ja

16będę

17bawił, marnował czas

18gości

19przypadek

20spadła

21spód

22pół

23bardziej

24por

25sera

26wrzućcie

27kawałki

28włóżcie

29okrągło

30wyrzućcie

31rozebraną 😉

32nie posiadacie

33wychodzi

34możecie

35gdzieś

36ma

37w tym czasie

38połóżcie

39pokrojony

40będzie

41gotowe

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

Dodaj komentarz

Twój adres email nie zostanie opublikowany.


*