Kryjmzupa ze zelera (Selerowa zupa krem)

Moja Baba1 zamarzōła2 sie zupa ze pasternakym, ale jako żech go niy mōg3 nikaj znojś4, a moje ślypia5 we sklepie sie zatrzimały na zelerze, zrobiōła sie z tego zupa ze zelerym- niy bojcie sie, ta ze pasternakym jeszcze sam kedy przidzie 😉 Wciepowołech do gorka składniki jak jako heksa6, ale jak żech już ta zupa zjołd,7 to żech sie niy zamiyniōł ani we ksiyńcia, ani we żaba, to znaczy, że mogecie sie jōm spokojnie sprōbować. Dziynki gruszkōm nasza kryjmzupa je tako barzi słodkoł, curry dołwo ji8 trocha charakteru, a żurawina kans9 zdrowia- niyftorzi gołdajōm na nia nawet naturalny antybiotyk. Na zima bydzie łona idealno 🙂

Co potrza?

1 zeler

1-2 gruszki

1 cebula

łeżka masła klarowanego

kapka oliwy

suszonoł10 żurawina

trocha mōnki kukurydzianyj do zagynszczynia zupy

sōl i pieprz

prziprawa curry

Na maśle zeszklijcie cebula, kapnijcie do tego jeszcze trocha oliwy i wciepcie tam na chwila pokrōny11 na byle jake kōnski12 zeler- niy bydymy sie smolić13 ze krajaniym na mało kosteczka, bo przeca wszysko potyn i tak zmiksujymy. Zalyjcie to wodōm- tak żeby przikrōło tyn zeler i niech sie trocha powarzi. Mogecie tam tyż wciepnōńć trocha soli, pieprzu i curry. Jak już zeler bydzie miynki, dodejcie pokrōno gruszka. Wyłōnczcie na chwila, żeby trocha ochōdło14 i mogecie to zblyndować. Potyn postołwcie ta zupa zajś na piecu i rozfyrlejcie15 we zimnyj wodzie trocha mōnki kukurydzianyj (jak ji niy mołcie, to moge być i pszynno) i wlyjcie do gorka, żeby jōm zagyńścić- mōnka kukurydzianoł do16 nōm tyż taki fajny dodatkowy smak. Tera styknie yno ta zupa jeszcze dosmakować17 i mogecie sie już rychtować18 do jedzynia. Jak już kryjmzupa bydzie na talyrzu, to po wiyrchu19 posujcie20 jōm żurawinōm i… smacznego 🙂

 

Kryjmzupa ze zelera- małe

1żona

2ō– samogłoska w wymowie pomiędzy o i u

3mogłem

4znaleźć

5oczy

6czarownica

7zjadłem

8jej

9dużo

10suszona

11pokrojony

12kawałki

13marnować

14się ostudziło

15roztrzepcie

16da

17doprawić

18przygotowywać

19na górze

20posypcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*