Ajerkōniak (Likier jajeczny)

Połra1 dni tymu ciotka ze Niymiec sie mie zapytała, jak sie robi ajerkōniak. Joł niy wiedziōł, ale niyrozki dobrze je2 mieć pod rynkom Teściowoł i tak mi się przipōmniały te stare smaki. Pamiyntōm jak piyrwy moja Muter3 go robiōła i joł4 potyn- jeszcze mały bajtel5– tyn palec żech sie niyrozki tōnknōł6 w tyj misce abo gorku. Niy robi się go dugo7, ale ile sie potyn idzie pomaszkycić8. Yno dejcie pozōr9, żebyjście sie niy łożarli10 😉

Co potrza?

6 żōłtek

szklōnka cukru

125 g masła

cuker waniliowy (joł żech doł trocha gorzołki11 we ftoryj bōła12 zamoczōno laska wanilii)

jedna halba13 (czystyj)

Moja Teściowo gołdała,14 że masło trza uciyrać ze cukrym (i cukrym waniliowym) we ceramicznyj misce, ale joł je na to za zgniōły15 i żech to wciep do plastikowyj miski i włōnczōł mikser. Za chwila żech dociep16 tam żōłtka i miksowoł, aż cuker sie rozpuściōł- tak sie strasznie z tym niy smōlcie,17 bo jak przidzie gorzołka, to sie to jeszcze lepi rozpuści. Tera wlywejcie pomału ta halba i dali miksujcie. Spróbujcie, czy cuker sie dobrze łozpuściōł,18 a jak wszysko sie dobrze połōnczōło, to mogecie19 to jeszcze przecedzić bez20 sitko- żeby wychycić kołżdy niyrozpuszczōny kōnsek21 cukru- i idzie22 tyn ajerkōniak wlywać do flaszki abo jaki krauzy.23 Niyftorzi24 nojbarzi25 lubiōm, jak łon26 tak fajnie stwardnie we lodōwce i potyn idzie go wylizywać ze keliszka- jak udo Wōm sie go tam wlołć 😉 Bez to nawet lepi go wtedy trzimać we krauzie. Smacznego

Ajerkoniak- małe

1 kilka

2 jest

3 mama

4 ja

5 dziecko

6 zamoczyć

7 długo

8 rozkoszować

9 uważajcie

10 upili

11wódki

12 była

130,5 litra wódki

14 mówiła

15 leniwy

16 dorzucił

17 przejmujcie

18 rozpuścił

19 możecie

20 przez

21 kawałek

22 można

23 słoika

24 niektórzy

25 najbardziej

26 on

Post Author: klaudiuszkaufmann

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *