Tarta po lotaryńsku (Quiche Lorraine)

Piyrszy rołz jołd1 żech takoł tarta we Lotaryngii (to je tyn regiōn zaroz przi Niymcach) i tak mi łōna2 zasmakowała, że musiołech sie jōm niyskorzi3 tyż narychtować4. Połra razy już żech z tōm tartōm eksperymyntowoł- rołz mi nawet śleciała5 na dylōwka6… ale i tak my jōm zjedli 😉 Joł robia zawsze ta wersja tarty dlo tych barzi zgniōłych7 kucharzy i niy czekōm godzinōma, aż mi sie ochōdzi8 ciasto, ani niy wciepuja na nie jakijś tam fasolkōw, bo by my chyba bez tyn czas z mojōm Babōm sie z godu poprzełwrołcali. We Francji robiōm tarty na słōno i słodko, a jak łona je na słōno, to gołdajōm9 na nia quiche [czyt. kisz].
Co potrza?

Spodek:10
180 g mōnki pszynny
80 g masła
trocha wody (2-3 łeżki )
11 łyżeczki soli

Na wiyrch:
150-200 g wyndzōnki12
2 jajca
200-250 ml śmiytōnki  (joł tam lubia 36%)
100-150 g potartego żōłtego syra (we Francji robiōm ta tarta ze szwajcarskim syrym gruyère, a łon je taki barzi łostrzyjszy, ale tyż i ciynżko go kupić; joł dołwōm czynsto normalno gouda)

sōl i pieprz
ździebko gałki muszkatałowyj

Nojprzōd spodek. Wciepcie13 wszyske składniki do miski i wyrōbcie na jednolitoł masa. Potyn wejście sie 2 kōnski14 papiōru do pieczynioł, wrołźcie15 sie pomiyndzy te ciasto i nudelkulōm rozwałkujcie na łokrōngło.16ōnczcie sie piec na 200 stopni. Jedyn papiōr ściepcie17 i tōm sebleczōnōm18 strōnōm połōżcie na formie do tartōw (jak taki niy mołcie,19 to sie wejście wiynkszoł forma na torta abo jako inkszo łokrōngłoł20). Ta reszta ciasta, co wyłajzi21 ze formy, mogecie22 urwać i wkleić kaj23 na środku- co sie moł24 marnować. Tera wrołźcie tyn spodek do pieca na 15 minut.

Bez tyn czas25 pokrōno wyndzōnka dejcie26 na patelnia i niech sie fajnie podpiecze. Śmiytōnka ubijcie na piana, dociepcie dō ni jajca, trocha soli, pieprzu i gałki muszkatołowyj i wymiksujcie. Na sōm kōniec dociepcie tam jeszcze potarty syr.
Jak już spodek baje27 podpieczōny, wciepcie na niego ta wyndzōnka, a po wiyrchu łoblyjcie śmiytōnkōm z jajcami i syrym. Dejcie na 20-25 minut do pieca na poczōntek na 200 stopni, a potyn- jakby sie za mocno brōnołciōło- mogecie zmniyjszyć na 190 i fertich.28 Take tarty idzie jejś i na ciepło, i na zimno. Pokrejcie jōm, jak jake ciasto i… smacznego 🙂

Quiche lorraine-małe

1jadłem

2ona; ō- samogłoska w wymowie między o i u

3później

4przygotować

5spadła

6podłoga (drewniana)

7leniwych

8schłodzi

9mówią

10spód

11pół

12boczku wędzonego

13wrzućcie

14kawałki

15włóżcie

16okrągło

17wyrzućcie

18rozebraną 😉

19nie posiadacie

20okrągłą

21wychodzi

22możecie

23gdzieś

24ma

25w tym czasie

26połóżcie

27będzie

28gotowe

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

Dodaj komentarz

Twój adres email nie zostanie opublikowany.


*