Zupa kryjm ze bani i ryby (Zupa krem dyniowo-rybna)




 

To bōł[1] piyrszy przepis, co to żech go sprōbowoł napisać po ślōnsku. Jak żech go pisoł, to jeszcze bōło połno baniōw, a terozki to już trza by trocha pokōmbinować- chyba, że fto[2] mōł jeszcze zamrożōnoł:)

 

Co potrza?

0,5 kg bani

30-50 dkg ryby (jo żech robiōł z tiliapii, ale mogecie sprōbować tyż jakoś inkszo)

2 marchwie

2 kartołfle

1 cebula

1 zōmbek czosku

syrek topiōny

masło klarowane (styknie 1 łeżka)

oliwa (1 abo 2 eyżki)

woda

 

Prziprawy:

sōl i pieprz

2 łyżki zielōnego curry  (moja Muter by nie wiedziała, co to je, a to je tako zielōno pasta, co to niy za specjalnie wyglōndoł, ale mō fajny smak. Ale jak ii[3] niy mołcie, to może być i takōł sypanōł prziprawa curry)

1 płaskoł łyżeczka kolyndry- zmielone ziorka[4]

1 łyżeczka kurkuma

2 łeżki zōłzy rybnyj (to sie kupuje we sklepie oriyntalnym, a po polsku sie to nazywo sos rybny, ale jak tego niy dołcie, to przeca sie nic niy stanie, bo niy byndymy sie gowy urywać, jak niy mōmy jednyj prziprawy)

 

Nojprzōd pokrejcie- tak byle jak- te warzywa i podsmōłżcie je na maśle (yno, żeby sie cebula zeszkloła). Potym jeszcze do smaku kapnijcie trocha oliwy, ale niy podsmażejcie już tego na za srogim[5] hicu, bo oliwa pōnoś go niy lubi. A terozki wlyjcie wody- yno niy za dużo, żeby ta zupa niy bōła za rzodkoł. Nojlepi, żeby yno przikrōło warzywa. Niech sie to tak ze  20 minut powarzi- żeby bania zmiynkła, a potym wciepcie tyż ryba i syrek , i niech sie to dali[6] warzi. Terozki możecie tam tyż do smaku wciepować te prziprawy.  Jak sie powarzi, to cza chwila poczekać, żeby trocha ochōdło, zanim bajymy to miksować. Jak już zmiksujecie, to trocha idzie to jeszcze podgrzołć i gotowe.

 

Jakbyjcie chcieli, to mogecie to zjejś z grzankōma, krakersami, abo i fajnōm bōłkōm.

 

Niy bōjcie sie tych przipraw, zawsze możecie wciepnōć czegojś mani, abo i tyż cojsik inkszego- eksperymynty sōm nojlepsze;)

Smacznego:)

Bania i ryba- chop w kuchni

[1] ō- samogłoska w wymowie pomiędzy „o” i „u”

[2] ktoś

[3] jej

[4] ziarna

[5] dużym

[6] jeszcze




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*