Szałołt ze grejfutym (Sałatka z grejfrutem)

Niyrołzki1 sie czowiekowi zachce zjejś2 cojsik lekszego3, żeby potyn niy trza bōło4 bez godzina dochodzić do siebie i wypić trzi sznapsy5 na trołwiynie6. Taki szałołt je do tego nojlepszy. Grejfut moł7 kans fetaminy C i beta karoten, kery8 je dobry dlo skōry. Kapusta pekińskoł tyż moł kans9 fetaminōw, roztomajtych10 minerałōw i do tego yno11 12 kalorii. Szinka, syr i ôrzechy12 fajnie dopełniōm smak, tak że nawet te chopy, co marudzōm na szałołty, bydōm sam mieć co do przegryzynia.13

Co potrza?

2 ôbrane ze błōnek grejfuty

15 dkg żōłtego syra

15 dkg szinki

pó szklōnki ôrzechōw włoskich

pó gōwki mańszyj kapusty pekińskyj

6 łeżek jogurtu greckego

sōl i pieprz

Nojwiyncyj roboty bydzie ze tym grejfutym, coby go seblyc14 ze tyj gorzkij skōry. Ôrzechy mogecie trocha uprażyć na suchyj patelni. Sam żołdnyj filozofii niy ma, wszyjsko trza pokrajać, wciepnōńć15 do miski, dodać jogurt, dosmakować i- biercie16 sie za jedzynie. Smacznego 🙂

1czasem

2zjeść

3lżejszego

4było; ō- samogłoska w wymowie między o i u

5kieliszki alkoholu

6trawienie

7ma

8który

9dużo

10różnych

11tylko

12ô= ło

13przekąszenia

14rozebrać

15wrzucić

16bierzcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




1 Komentarz

Dodaj komentarz

Twój adres email nie zostanie opublikowany.


*