Kiszōnoł cukinia (Kiszona cukinia)

Wejrzoł1 żech sie na cukinia i pomyśloł: a czamu2 by jyj3 tak niy zakisić? Jak sōm4 kiszōne ôgōrki5, to mogōm być i inksze6 warzywa. Niyskorzi7 żech wejrzoł do internetu i sie okołzało8, że już połra9 takich bōło10, co to im sie zachciało kiszynia cukini. Na sprōbowanie żech sie zrobiōł dwie krauzy11. Dzisiej żech otwar ta piyrszo12 i moga Wōm13 pedzieć14, że sie werciōło15: delikatniyjszy ôd ôgōrka smak, leko chrupiōnco skōrka i… zajś mōmy co nowego. We jeszcze jednyj krauzie czeko kiszōnoł fasolka szparagowoł, ale co z tego przidzie… to na razie srogoł16 tajymnica 😉

Co potrza?

połra17 małych cukiniōw

sōl- nojlepi kamiynno

kōnsek18 korzynia chrzanu

połra zōmbkōw czosku

połra łodygōw19 ôd kopru (ze nasiōnami)

jakeś krauzy ze deklami20

Kisi sie ta cukinia tak samo, jak ôgōrki. Te małe cukinie mogecie kisić w całojści abo pokrajać21 je na trocha mańsze22 kōnski. Do krauzy wrojście23 cukinia, wciepcie24 ze 2-3 zōmbki czosku, kōnsek chrzanu, na wiyrch25 naciście26 kopru i zalyjcie to wszyjsko wrzōncōm wodōm ze solōm (łeżka soli na liter wody). Tera ôstało nōm już yno zakryńcić dekel, sprawdzić, czy krauza niy cieknie (przewrōćcie jōm do gōry dnym), ôstawić27 na połra dni i fertich28. Kajś29 żech czytoł, że dobrze by je bōło za dwa tydnie30 zapasteryzować. Joł31 żech te krauzy wrajziōł32 do bratruły33, rozgrzoł34 jōm na 90 stopni i potrzimoł35 je tam piytnołście36 minut. Co z tego przidzie37? Nie wia38. Jedne jest pewne:kiszōnyj cukini musicie na zicher39 sprōbować. Smacznego 🙂

1spojrzałem

2dlaczego

3jej

4są, ō- samogłoska w wymowie między o i u

5ô= ło

6inne

7później

8okazało

9kilku

10było

11słoiki

12pierwszą

13Wam

14powiedzieć

15opłaciło

16duża

17kilka

18kawałek

19łodyg

20nakrętkami

21pokroić

22mniejsze

23włóżcie

24wrzućcie

25górę

26nawciskajcie

27zostawić

28gotowe

29gdzieś

30tygodnie

31ja

32włożyłem

33piekarnika

34rozgrzałem

35potrzymałem

36piętnaście

37wyjdzie

38wiem

39na pewno

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

  1. Szukając przepisu na kiszoną cukinię trafiłam na ten blog. Jestem gorolką z Warszawy zafascynowaną śląską gwarą i jednocześnie lubię gotować oraz eksperymentować w kuchni – więc na pewno będę często tu zaglądać 🙂

Dodaj komentarz

Twój adres email nie zostanie opublikowany.


*