Tych roztomajtych nazwōw1 je tyla, że mało fto2 je wszyske znoł3: karminadle, karbinadle, klopsy, klopse… Niyrozki to i na jedny ulicy ludzie inaczy na nie gołdali. U nos w dōma gołdali my klopse. I w dołwniejszych czasach to bōło take danie, co to sie je robiōło na sobota, a do nich nojlepi zawsze pasowoł panczkraut4– jak go zrobić, napisza kedy indzi5.
Nim zrobiōłech te karminadle, to żech sie trzech gospodyniōw pytoł o recept6 i wszyske trzi- choć dwie z inkszych7 wsi, a jedna nawet z miasta- pedziały8 to samo.
Co potrza?
0,5 kg mielōnego miysa- nojlepi to sie je zrobić samymu, abo wybrać sie u masołża9 kōnsek10 i dać go tam zmielić
jajco
cebula
czosnek
staro bōłka (zamoczōno we wodzie abo mlyku), a jak niy mołcie bōłki, to dejcie 3 łeżki11 tarty bōłki
sōl i pieprz
tarto bōłka do obtoczynia klopsōw
olyj12
Ja tam sie to yno trocha zmiyniōł. Dołech tarto bōłka, co żech zamoczōł w piwie i do lepszego trawiynia jeszcze łyżeczka majeranku. A jedna kōmratka,13 pedziała14 mi, że łona dołwo tyż łyżeczka musztardy- sprōbowołech i bōło15 dobre.
Cebula nojlepi nojprzōd zeszklić na maśle klarowanym (abo na oleju, ale to masło do16 nom jeszcze lepszy smak). Jo wciepłech17 tam tyż wyciśniynty czosnek.
Jak już to zrobicie, wciepcie wszyske składniki do miski i fajnie wyrōbcie, żeby sie te wszyske składniki połōnczōły.18 Potyn19 ukulejcie sie take spłaszōne kulki, obturlejcie w tarty bōłce i na rozgrzōno patelnia. Upiyczcie20 na złoty kolor i fertich21.
Jo zrobiōłech dō nich taki szałołt ze brokuła, kartołfli22 i syra, ale przepis na niego, to już przidzie jutro. Smacznego:)
1 różnych nazw
2 fto
3 zna
4 danie z kapusty i ziemniaków
5 kiedy indziej
6 przepis
7 różnych
8 powiedziały
9 rzeźnika, w sklepie mięsnym
10 kawałek
11 łyżki
12 olej
13koleżanka
14powiedziała
15było
16 Da nam
17 wrzuciłem
18 połączyły
19 później
20 upieczcie
21 gotowe
22 ziemniaków
Dodaj komentarz