Buchty (Kluski na parze)

Jak sie tak spōmna1, jake bōło2 moje ulubiōne jedzynie za bajtla3, to na zicher4 bōły to buchty u ōłmy5 Albiny, a dō nich zawsze bōł tyż kōmpot ze jagodōw. Moja Muter ich niy robiōła, bo padała6, że rołz zrobiōła i jyj niy wyszło i już jakosik tak przestała prōbować. Mie7 sie na te buchty zbiyrało ôd dugszego8 czasu, ale jak już żech je zrobiōł, to zarozki prziszły nazod9 roztomajte10 ôbrołzki i przipōmniały mi sie te dołwne11 smaki.

Co potrza?

500 g mōnki

1 szklōnka mlyka

2 jajca

3 łeżki masła

3 dkg drożdży

łeżka cukru

ździebko12 soli

Mōnka przesiyjcie i dejcie13 do jaki miski. Pośrodku14 zrōbcie dziōra, wciepcie tam pokruszōne drożdże, wciepcie cukru i zalyjcie to letnim mlykym. Przikryjcie ta miska jakim ryncznikym abo uciyraczkōm15 i ôdstołwcie16 w jake ciepłe miejsce do wyrośniyńcia (jak mołcie17 zimno we kuchni, to mogecie na chwila rozgrzołć bratruła18 i wrajzić19 tam ta miska). Ôzpuście20 sie masło we jakim tygliku21 i niech trocha ochōdnie22. Jak już te drożdze wyrosnōm- baje23 ich rołz24 wiyncyj- to dociepcie ździebko soli, wbijcie dwa jajca, wlyjcie masło i porzōndnie to wyrōbcie. Jak by sie Wōm to mocno klejōło25 do rynkōw, to mogecie jeszcze dosuć26 trocha mōnki. Terozki zajś27 trza to ôdstawić do wyrośniyńcia (aby pó28 godziny niech postoi). Jak już tego ciasta baje rołz wiyncyj, to sie mogymy brać za kulanie buchtōw. Niy kulejcie ich za srogich, bo ône jeszcze urosnōm. Porozkłodejcie je na wysypanyj mōnkōm biyrkownicy29, przikryjcie ryncznikym i niech zajś sie trocha wyrosnōm. Terozki już nōm yno ôstało30 warzynie31. Wejście sie jaki srogi32 gornek, nalyjcie dō niego wody, a na wiyrch33 dejcie kōnsek34 gazy- pamiyntejcie, żeby go dobrze prziwiōnzać. Jak mołcie35 taki gornek do warzynia na parze, to mołcie jeszcze mani36 roboty. Terozki niech nōm zawrze nalōno woda, na gaza wciepcie połra buchtōw, przikryjcie i niech to sie tam aby ze 10 minut podamfuje37.

Potyn już yno na talyrz i mogecie sie brać za jedzynie. Dodatki do buchtōw mogecie sie wynołkwić38 roztomajte, choć mogecie tyż klasycznie sie je ôblołć masłym, posuć cukrym i zjejś ze kōmpotym ze jagodōw (jak go mołcie). Idzie dō nich zjejś i ślagzana39, i banany, i roztomajte słodke zōłzy40, ale idzie je tyż zjejś41 ze miysym, tak jak nasze kamraty42 ze Czech abo Poznanioki43. Smacznego 🙂

1przypomnę, ō- samogłoska w wymowie między o i u

2było

3w dzieciństwie

4na pewno

5babci

6mówiła

7mnie

8dłuższego

9z powrotem

10różne

11dawne

12szczypta

13dajcie

14na środku

15ścierka do naczyń

16odstawcie

17macie

18piekarnik

19włożyć

20rozpuście

21mała patelnia

22ostudzi się

23będzie

24raz

25kleiło

26dosypać

27znów

28pół

29stolnicy

30zostało

31gotowanie

32duży

33górę

34kawałek

35macie

36mniej

37pogotuje na parze

38wymyślić

39bita śmietana

40sosy

41zjeść

42koledzy

43Poznaniacy

One thought on “Buchty (Kluski na parze)

Odpowiedz na „ZuzaAnuluj pisanie odpowiedzi

Twój adres email nie zostanie opublikowany. Pola, których wypełnienie jest wymagane, są oznaczone symbolem *