Bezglutynowe i bezcukrowe ajerkuchy- choć na słodko ;) (Naleśniki bezglutenowe)

Ô1 te miano2 to by sie niyftorzi3 mōgli4 wadzić5– dlo jednych ajerkuchy to sōm yno take rubsze6 placki, dlo inkszych7 cojsik choby8 racuchy, a dlo jeszcze inkszych yno naleśniki. Dlō mie sōm9 to wszyjske plackopodobne dania, we kerych10 je jajko, mōnka i sie je piecze na patelni. A do tego jeszcze podobo mi sie słowo ajerkuchy i… szlus11. Dzisiej cojsik12 dlo tych, kerzy niy mogōm jejś13 glutynu i dlo tych, kerzy niy chcōm jejś cukru- ja14, ja, sōm take ludzie 😉

Co potrza?

Ajerkuchy:

2 jajca

2 szklōnki mlyka

1 szklōnka mōnki ryżowyj

1 szklōnka mōnki ze majsu15

ździebko16 soli

1/3 łeżeczki sody oczyszczōnyj

trocha oleju do natłuszczynia patelni

Nadziynie:

500 g syrka mascarpōne

gorść17 płatkōw ze mandli18

2 banany

gorść rodzynek

Jajca wciepcie19 do jaki miski i zmiksujcie, dociepcie do tego reszta składnikōw ajerkuchōw i wszyjsko20 fajnie wymiyszejcie. Ciasto niy moge być ani za gynste21 (źle sie bydzie ôzlywać22 po patelni), ani za rzołdke23 (ajerkuchy bydōm sie ôzlatywać24). Jak już mołcie25 te idealne ciasto, to wlyjcie na ôzgrzōno patelnia kapka oleju i ôzprowadźcie26 go po niyj. Tera wlyjcie tam kelnia27 ciasta i ruszejcie patelniōm tak, żeby ôzprowadzić je po całym dnie. Jak baje28 upieczōne ze jednyj strōny, to przeciepcie29 na drugoł i to by bōło na tyla- przi kołżdym kolyjnym trza robić dokładnie to samo.

Nadziynie: do jaki miski wciepcie mascarpōne, pokrōnego na mańsze kōnski banana, mandle i rodzynki i wszyjsko fajnie wymiyszejcie.

Jak już ajerkuchy bydōm upieczōne, to do środka wrojście tego nadziynia i fertich30. Smacznego 🙂

1ô=ło

2nazwę

3niektórzy

4ō- samogłoska w wymowie między o i u

5kłócić

6grubsze

7innych

8jakby

9

10których

11koniec

12coś

13jeść

14tak

15kukurydzianej

16 troszkę, szczyptę

17garść

18migdałów

19wrzućcie

20wszystko

21gęste

22rozlewać

23rzadkie

24rozpadać

25macie

26rozprowadźcie

27chochlę

28będzie

29przerzućcie

30gotowe

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*