Kura Bamango (Kurczak w sosie bananowo-mangowym)




Jedyn kamrat1, kery2 sie przekludziōł3 do Tajlandii, ôzprawioł4 mi jakiś czołs5 tymu ô recepcie6 na krewetki ze mango. Do tamtego żech jeszcze niy prziszoł7, ale mie to zainspirowało do blank8 inkszego9 receptu na kurczaka. A że mi sie we gowie fajnie połōnczōł10 smak mango ze bananym, to żech to tak tyż napoczōn11 rychtować12.

Co potrza?

1,5 kg kurczaka (filety ze piersi abo podudzi)

10-15 dkg wyndzōnki13

2 cebule

0,5 litra wywaru ze grincojgu (warzyw)

1 wiynksze mango (moge być nawet trocha twardsze)

3-4 banany

0,5 szklōnki biołego wytrawnego wina

łeżka masła klarowanego

3 łeżki oliwy

1 łeżeczka kurkumy

1 łeżeczka mielōnych nasiōn kolyndry

ździebko14 chili

pokrajano kolyndra i natka pietruszki do posucia15 po wiyrchu

Na maśle i oliwie we jakim wiynkszym16 gorku zeszklijcie cebula. Wyndzōnka podpiyccie na patelni i potyn dociepcie17 do cebuli w gorku, wlyjcie18 wywar i wciepcie prziprawy. To niech sie na małym ôgniu terozki trocha pobluko19, a my na patelni bierymy sie za przipiykanie pokrōnego na wiynksze kōnski20 kurczaka. Rōbcie to nojlepi na suchyj patelni, to niy bydzie Wōm tak po całyj kuchni pyrskać21 tym fetym22. Jak już cały kurczak bydzie23 przipieczōny i wymiyszany ze resztōm składnikōw, to przikryjcie tyn gornek deklym24 i niech to sie aby ze pó25 godziny powarzi. Bez tyn czas pokrejcie26 mango i banana na mańsze27 kōnski, a potyn dociepcie do gorka, kaj28 już czeko reszta składnikōw. Terozki niech sie to jeszcze ze 15 minut pobluko i już mōmy te nasze eksperymyntalne danie fertich29. Dosmakujcie sie je jeszcze, mogecie tyż zagyńścić ta zōłza mōnkōm (pryndzyj rozfyrlanōm30 we zimnyj wodzie). Jak już nasza kura bamango bydzie na talyrzu, to jōm jeszcze posujcie po wiyrchu pokrōnōm natkōm pietruszki i kolyndrōm. Smacznego 🙂

1znajomy

2który

3przeprowadził, ō- samogłoska w wymowie między o i u

4opowiadał, ô= ło

5czas

6przepisie

7doszedłem

8całkiem

9innego

10połączył

11zacząłem

12przygotowywać

13boczku wędzonego

14szczyptę

15posypania

16większy

17dorzućcie

18wlejcie

19pobulgocze

20kawałki

21pryskać

22tłuszczem

23będzie

24pokrywką

25pół

26pokrójcie

27mniejsze

28gdzie

29gotowe

30rozmieszaną




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*