KRUPNIOK RAJZUJE. Czyńść 2: Krupniok lołce po Indiach (Curry z kaszanką)

Tyn krupniok to już dołwno1 nikaj2 niy lotoł3 i trza to nadrobić. Joł4 po Indiach już żech sie smykoł5 dwa razy, a tyn borołk6 krupniok yno na tym grillu siedzi. Jak eksperymyntować, to na całego, a jak Indie, to curry [czytej: kary]. Kebyście7 się boli aż takich eksparymyntōw, to Wōm mogą pedzieć we tajymnicy, że jak zamiast krupnioka wciepniecie kurczaka, to bajecie mieć curry ze kury.

Co potrza?


5 małych krupniokōw (sebleczōnych8 ze skōry)
1 cebula
3 zōmbki czosku
2 krauzki kōncyntratu z tōmatōw9
3-4 łeżki10 klarowanego masła
kapka11 oliwy
0,5 szklônki wrzōntku
4 łeżki mlyka skōndynsowanego (abo ze 8 normalnego- niy musi być świyżo dojōne, moge być ze sklepu 😉 )

Prziprawy:
2 łyżeczki garam masala *
1 łyżeczka zmielōnych goździkōw
1 łyżeczka cynamōnu
1 łyżeczka mielōnych nasiōn kolyndry
1 łyżeczka kminu rzymskego
1 łyżeczka kurkumy
trocha pieprzu i chili

Na patelnia dejcie12 łeżka abo dwie masła i zeszklijcie pokrōno13 cebula. Dociepcie14 wyciśniynty czosnek i prziprawy- kapnijcie do tego jeszcze trocha oliwy. Jak już prziprawy napocznōm15 fajnie wōniać,16 przeciepcie17 to do wiynkszego gorka,18 a na patelnia wciepcie 2 łeżki masła i pokrōne krupnioki. Jak sie trocha podpiekōm, to rajn19 ze nimi do garca. Tera bierymy20 sie za gornek. Postołwcie21 go na piec, wciepcie kōncyntrat i fajnie wymiyszejcie. Dolyjcie wrzōntek, przikryjcie i niech sie chwila podusi. Na koniec wlyjcie22 mlyko, wymiyszejcie i fertich.
Tyn jasny placek na zdjyńciu to je pappadam. Idzie23 je kupić we sklepie oriyntalnym. Wciepuje sie je na chwila na gorki24 łolyj i wychodzōm take sroge chrupiōnce czipsy. Te curry mogecie sie zjejś tyż z jakōm dobrōm bōłkōm. Smacznego 🙂

*Takoł garam masala mogecie sie narychtować25 sami. Zrōbcie sie ji26 wiyncyj, a bajecie27 mieć jōm28 na dugo.
Na patelnia wciepcie:
6 łeżek pieprzu, 5 łeżek kminu rzymskego, 2 łeżki cynamōnu, 1,5 łeżki goździkōw, 2,5 łeżki kardamonu, 6 łeżek nasiōn kolyndry, 2 łeżki pokruszōnych bobkowych29 liści i   łyżeczka zmielōnyj gałki muszkatołowyj. Podpiyczcie ze 30 sekund na średnim łogniu i łodstołwcie do ochōdzynia.30 Tera zmielcie i zawrzyjcie31 w jaki krauzce.32 Niech Wōm dugo pomołgo33 we warzyniu 🙂

Krupnik lołce po Indiach- małe

1dawno

2nigdzie

3podróżował

4ja

5włóczyć

6ktoś bez szczęścia

7gdybyście

8rozebranych

9pomidorów

10łyżki

11odrobinę

12dajcie

13pokrojoną

14dorzućcie

15zaczną

16pachnieć

17przerzućcie

18garnka

19do środka

20bierzemy

21postawcie

22wlejcie

23można

24rozgrzany

25przygotować

26jej

27będziecie

28

29laurowe

30ostudzenia

31zamknijcie

32słoiczku

33pomaga

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*