Gibki mitag ze jarmużym (Szybki obiad z jarmużem)

Nirozki trza zrobić mitag,1 a czasu mōmy2 małowiela.3 Nojlepi wtedy powciepować4 połra5 rzeczy na patelnia abo do jakego garca i jedzynie mōmy zarozki6 fertich.7 Chciołech tak cojsik zrobić ze wōsztym8– bo to najmani roboty- i jak żech już go mioł,9 to zauważōłech we sklepie jarmuż. Tak mie zainspirowoł,  że żech yno jeszcze chyciōł tam pieczarki i polecioł żech do dōm warzić. Jarmuż bōł bez lata zapōmniany, ale za starego piyrwy10 szło go znojś11 nawet na zygrōdce12 u moji Ōłmy13 Any.14

Co potrza?

3 wōszty- niy za sroge15

1 cebula

1-2 zōmbki czosku16

20 dkg pieczarkōw

10-15 dkg jarmużu

sōl i pieprz

trocha masła klarowanego

kapka oliwy

oregano- jedna łyżeczka na pewno 😉

Na patelni na maśle klarowanym podpiyczcie pokrōny17 wōszt. Jak już sie baje18 brōnołciōł19, to dejcie tam pokrōno cebula i wyciśniynty czosnek. Jak mołcie srogo patelnia, to jeszcze do tego tu mogecie20 dociepnōńć pieczarki, a jak niy, to wōszt ze cebulōm przeciepcie do wiynkszego gorka, a na patelni na oliwie (na małym łogniu21) leko22 podpiyczcie same pieczarki. Potyn wciepcie je razym ze jarmużym do gorka, dejcie tam trocha soli, pieprzu,oregano i niech sie to trocha podusi. Jak już tyn jarmuż zmiynknie (niy potrzebuje wiyncyj niż 5 min.), to dosmakujcie23 sie to jeszcze, przigotujcie sie talyrze i … smacznego 🙂

Nojlepi do tego pasuje świyżo bōłka 🙂

Gipki mitag ze jarmużym- małe

1obiad

2 ō- samogłoska w wymowie między o i u

3mamy

4powrzucać

5kilka

6za chwilę

7gotowe

8kiełbasą

9miałem

10dawniej

11znaleźć

12ogródku

13babci

14Anny

15duże

16czosnku

17pokrojony

18będzie

19przypiekał

20możecie

21ogniu

22lekko

23doprawcie

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *