Curry ze kury (Nie ma co tłumaczyć ;) )

Te Europejczyki we Indiach na wszyske gynste1 zōłzy2 gołdali3 curry- bo sami Hindusi kołżdo4 mianowali5 inaczyj. To trocha tak, jakby na wszysko, czym sie hajcuje6 we piecy, gołdać wyngel7 😉 Anglikōm- bo ich tam przeca bōło nojwiyncyj- tak te prziprawy zasmakowały, że sie chcieli je zawiyś8 do dōm i tak sie narodziōła prziprawa curry, co to jōm idzie kupić u nos9 we sklepie. Ze ftoryj czyńści Indii je tyn recept, co go sam na dole mołcie, to ciynżko pedzieć, a jeszcze ciynżyj by bōło znojś łod niego hindusko nazwa. Jedno je pewne: smakuje jak we Indiach, a wiym, jak tam te roztomajte10 jołdła11 smakujōm, bo żech sie już tam 2 razy smykoł12 😉

Co potrza?


2 piersi ze kury abo kokota
13
1 cebula
3 z
ōmbki czosku
1 krauzka k
ōncyntratu ze tōmatōw (200g)14
2-3 łeżki
15 klarowanego masła (we Indiach gołdajōm na nie masło ghi)
kapka
16 oliwy
0,5 szklônki wrz
ōntku
4 łeżki mlyka sk
ōndynsowanego (abo ze 8 normalnego- niy musi być świyżo dojōne, moge być ze sklepu 😉 )

Prziprawy:
2 łyżeczki garam masala *
1 łyżeczka zmielōnych goździkōw
1 łyżeczka cynam
ōnu
1 łyżeczka miel
ōnych nasiōn kolyndry
1 łyżeczka kminu rzymskego
1 łyżeczka kurkumy
trocha pieprzu i chili
Do tego curry Hindusi niy dołwaj
ōm soli, a je tam tyla inkszych arōmatōw, że nawet mi jyj niy brakuje. Na końcu mogecie sie tego dania sprōbować i keby Wōłs dali ciōngło do tego biołego proszku, to mogecie go ździebko17 dać.


Na patelnia dejcie
18 masło klarowane i zeszklijcie na nim pokrōno19 cebula. Dociepcie20 wyciśniynty czosnek i prziprawy- kapnijcie do tego jeszcze trocha oliwy, żeby niy bōło za suche. Jak już prziprawy napocznōm21 fajnie wōniać,22 wrołźcie23 do tego tyż tego pokrōnego kurczaka i niech sie łon z tymi prziprawōma przegryzie. Dejcie pozōr,24 żeby sie Wōm to niy przipołlōło.25 Potyn wciepcie kōncyntrat, dolyjcie wrzōntek, pomiyszejcie, przikryjcie i niech sie to chwila na małym łogniu podusi- 10-15 min. Na koniec wlyjcie26 mlyko, wymiyszejcie i fertich.
Tyn placek na zdjyńciu to je czapati- smakuje i wygl
ōndo podobnie jak pszynne tortille. Idzie27 je kupić we sklepie oriyntalnym, ale take curry mogecie sie zjejś tyż ze ryżym abo jakōm dobrōm bōłkōm. Smacznego 🙂

*Garam masala to we jynzyku hindi znaczy gorke28 prziprawy i tak sie je tyż rychtuje-29 na gorko i bez to łone po tyn tak dobrze czowieka rozgrzywajōm. Takoł miyszanka mogecie sie narychtować30 sami. Zrōbcie sie ji31 wiyncyj, a bajecie32 mieć jōm33 na dugo.
Na patelnia wciepcie:
6 łeżek pieprzu, 5 łeżek kminu rzymskego, 2 łeżki cynam
ōnu, 1,5 łeżki goździkōw, 2,5 łeżki kardamonu, 6 łeżek nasiōn kolyndry, 2 łeżki pokruszōnych bobkowych34 liści i   łyżeczka zmielōnyj gałki muszkatołowyj. Podpiyczcie ze 30 sekund na średnim łogniu i łodstołwcie do ochōdzynia.35 Tera zmielcie i zawrzyjcie36 w jaki krauzce.37 Niech Wōm dugo pomołgo38 we warzyniu 🙂

Curry ze kury- małe

1gęste

2sosy

3mówili

4każdą

5nazywali

6pali

7węgiel

8zawieść

9nas

10różne

11dania

12włóczył

13koguta

14pomidorów

15łyżki

16odrobinę

17trochę

18dajcie

19pokrojoną

20dorzućcie

21zaczną

22pachnieć

23włóżcie

24uważajcie

25przypaliło

26wlejcie

27można

28gorące

29przygotowuje

30przygotować

31jej

32będziecie

33

34laurowe

35ostudzenia

36zamknijcie

37słoiczku

38pomaga

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*