Karminadle cyganiōne (Klopsiki z grochu)

Pōnojś to niy je wcale take zdrowe, żeby durś1 jejś miyso i bez to (choby yno we piōntek) idzie sie wymyślić tyż co inkszego. Po zimie jeszcze możno Wōm łostało kajś2 w jakim szranczku3 trocha grochu, to sie mogecie zrobić take cyganiōne karminadle. Yno sie dejcie pozōr,4 jak we piōntek bajecie5 wołać Wasze bajtle6 na łobiołd, bo jak kero7 sōmsiadka baje słyszeć, że mołcie8 karminadle, to baje w sztandzie9 jeszcze iś na skarga do farorza10 😉

Co potrza?

25 dkg łuskanego grochu

10 dkg potartego żōłtego syra

1 jajco

1 cebula

zōmbek czosku

11 łeżeczki majeranku

sōl i pieprz

tarto bōłka

łolyj do pieczynia12

Groch we jakim gorku zalyjcie wrzōntkym, a za 15 min wylyjcie ta woda i nalyjcie świyżyj. Tera niech sie pomoczy- jak mołcie czas, to moge i bez noc, ale tyn łuskany przeca13 niy je taki twardy i nawet jak niy mołcie za kans czasu na moczynie, to nic sie niy stanie, yno trza tyn groch baje trocha dużi powarzić14. Niyftorzi gołdajōm, że groch moł sie warzic we wodzie, we jaki sie moczōł, ale joł tam wola sie jōm wymiynić i być zicher15, że mie nie bydzie potyn bez pó dnia beczkować16.

Tera prziszoł czas na warzynie. Taki groch je twardy i trza liczyć aby 40 minut, żeby bōł miynki. Pamiyntejcie , żeby go niy solić, a jak we gorku bydōm sie robiōły szuminy, to je pozbiyrejcie i wyciepcie. Jak już groch bydzie miynki, to mogecie go łodcedzić i posztamfować17. Jak trocha ochōdnie18, to wciepcie tam pokrōno cebula, przeciśniynty czosnek, jajco, syr, majeranek, sōl i pieprz i wszysko fajnie wymiyszejcie. Na jakim talyrzu wysypcie sie tartoł bōłka, rynkami sie uformujcie karminadla (abo karbinadla, bo tak tyż niyftorzi gołdajōm) i łobtoczcie go we tartyj bōłce. Na patelnia sie wlyjcie trocha łoleju i piyczcie te nasze cyganiōne karminadle, aż bydōm fajnie złote. Do nich sie mogecie uwarzić tyż i kartołfli, zjejś jako bōłka, abo i zezryć je same 😉 Smacznego 🙂

Karminadle cyganione-małe

1ciągle

2gdzieś

3szafce

4uważajcie

5będziecie

6dzieci

7któraś

8macie

9stanie

10księdza

11pół

12smażenia

13przecież

14pogotować

15pewnym

16wzdęcia

17potłuc

18się ostudzi

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *