Bananowy hańdyk na gibko (Bananowy indyk na szybko)

Czowiek leci gibko1 z roboty do dōm narychtować jaki mitag2, bo za chwila zajś moł jaki termin i co tu uwarzić? W gowie robiymy przeglōnd tego, co mōmy we lodōwce i okolicach… sōm jakeś banany… ,a moge by tak szczelić miyso ze bananōma?…, ze curry?…, to jeszcze szybko po miyso…, kura?…, niy…, hańdyk? Moge być…, mōm go…, to leca do dōm. Na fynsterbrecie3 jeszcze żech znod cebula, a w byfyju kasza pszynno- niy trza jyj warzić! I łobiołd bōł jak marzynie 🙂

Co potrza?

0,5 kg hańdyka (niyrozki gołdajōm na niego i puta abo pultok)

4 banany

1 cebula

1-2 łeżki masła klarowanego

prziprawa curry

Joł żech sie zjołd to ze kaszōm bulgur i do smaku dołech trocha jogurtu greckego (jak na łobrołzku4)

We gorku uwarzcie 2 szolki5 wody, wsujcie tam szolka kaszy bulgur, przykryjcie na 10-15 minut i fertich6. Hańdyka pokrejcie na mańsze kōnski7 i na leko natłuszczōnyj patelni na srogim hicu8 go podpiyczcie. Potyn wciepcie do tego łeżka abo dwie masła, zmniyjszcie łogyń, wciepcie tam cebula, banany i tak ze łeżeczka curry. Niech sie to wszysko fajnie podpieke, skosztujcie sie tego i mogecie jeszcze dociepnōńć trocha soli abo curry, abo brać sie za jedzynie… smacznego 🙂

Bananowy hańdyk-małe

1szybko

2obiad

3parapet

4zdjęciu

5kubki, względnie filiżanki

6gotowe

7mniejsze kawałki

8wysokiej temperaturze

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *