Tuste ze bakłażanym i ôrzechōma (Smalec z bakłażanem i orzechami)

Jak by fto1 szukoł dietetycznego jedzynia, to nawet niy mo sam co czytać. Za starego piyrwy2 ludzie mieli biyda3 i bez to kołżdo czyńść świni trza bōło4 jakosik przerobić. Tuste (abo niyftorzi tyż gołdajōm5 na to fet), kere6 ôni7 wtedy robiyli, bōło ajnfachowe8– yno ze szpyrkami9, te nasze to już je czyste wynołkwianie10. Trocha mie zainspirowała kuchnia gruzińskoł, ale je tam tyż prziprawa, kero je charakterystyczno dlo kuchni bułgarskij. Dugo by szło jeszcze gołdać, ale jedne musza Wōm pedzieć11: za takim fetym to idzie ôgupieć12 😉

Co potrza?

25 dkg szpeku13

gorść ôrzechōw

10 dkg bakłażana

1 łeżeczka czubrycy

0,5 mielōnyj kolyndry (ziorek)

sōl i pieprz

Bakłażana pokrejcie14 we kosteczka, posypcie go solōm i ôdstołwcie15 na chwila, żeby pōściōł sok- niy bydzie wtedy za gorzki. Szpek tyż sie pokrejcie we kosteczka i po leku mogecie go we jakim gorku skwarzić16– ftojś mi pedzioł, że jak sie doł17 tam trocha soli, to tyn fet niy bydzie pyrskać18. Jak już bakłażan puści sok, to go przepōkejcie19 i wysuszcie papiyrowym ryncznikym. Ôzgrzyjcie sie bratruła20 na 200 stopni, rozłōżcie tego bakłażana na jaki blasze i dejcie go rajn21 na 10 minut. Pod kōniec dociepcie tam tyż na chwila ôrzechy. Jak już szpyrki bydōm fajnie wyskwarzōne, to wciepcie tam tego bakłażana, ôrzechy i prziprawy, połra razy to pomiyszejcie i wlyjcie do jaki miski abo bōnclołka22. A jak ôchōdnie23, to sie ukrajcie24 sznita25 nojlepszego chleba, posmarujcie i… smacznego 🙂

Tuste ze bakłażanym i orzechoma-małe

1ktoś

2dawniej

3biada

4było; ō- samogłoska w wymowie między o i u

5mówią

6które

7ô=ło

8proste

9skwarkami

10wydziwianie

11powiedzieć

12oszaleć

13słoniny

14pokrójcie

15odstawcie

16wytapiać

17doda

18pryskać

19przepłuczcie

20piekarnik

21do środka

22kamiennego garnka

23ostudzi się

24ukrójcie

25kromkę

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *