Bigos Teściowyj ( i nie ma co tłumaczyć ;) )

Receptōw1 na bigos je kans2. Tyn ślōnski je ze przeciyrym ze tōmatōw3 i nojczyńścij4 ze kapusty świyżyj i kiszōnyj. Jak żech moji Babie pedzioł5, że chciołbych taki narychtować na Sylwestra, to mi padała6, ze ôn7 je za ajnfach8 i że na Sylwestra to by musiało być co barzi9 eleganckego, no i że tyn bigos ôd ni ôd Mutry10 bōłby lepszy… no i tak to Chop niy moł wyjścia, yno musi rychtować Bigos ôd Teściowyj 😉

Trza prziznać, że ôn je richtich11 dobry, ze śliwkōma, grzibami, winym i całōm gōrōm miysa. Tyn recept je we ôd ni familiji już dojś dugo i zajś idzie na nastympne pokolynie.

Co potrza?

2 kg kapusty kiszōnyj

50 dkg wōsztu12

30 dkg wyndzōnki

80 dkg żeberek wieprzowych

50 dkg karczku abo łopatki

2 cebule

trocha masła klarowanego

ze 5 liści laurowych

5-7 kulek ziela angelskego

1 łeżeczka majeranku

1 łeżeczka tymianku

10-15 suszōnych śliwek

5-7 ziorek jałowca

2 gorście suszōnych grzibōw (nojlepi prawikōw13)

flaszka14 czerwōnego wytrawnego wina- niy bōjcie sie, całyj tam niy wlejymy 😉

łeżka cukru

Na sōm15 poczōntek przepōkejcie16 i wyciście kapusta. Na maśle klarowanym zeszklijcie- we gorku, we ftorym sie bydzie robiōł tyn bigos- pokrōno17 cebula i potyn dociepcie18 do tego kapusta i niech ôna sie już zacznie pomału warzić19. Mogecie do tego tyż już wciepnōńć prziprawy. Tera bierymy sie za boczek, wōszt i miyso. Pokrejcie to wszyjsko i partiami przipiykejcie20 na patelni i wciepujcie do gorka ze kapustōm. Żeberka mogecie pokroć na wiynksze kōnski21 ze kościōm i po podpieczyniu wciepnōńć do reszty- jak bigos baje fertich,22 to sie je wyciōngnie i lepi wyciepnie kojści i pokreje23. Grziby przepōkejcie24 i uwarzcie- dejcie yno trocha wody. Jak sie uwarzōm, to je pokrejcie, a woda wlyjcie do kapusty, to bydzie nōm lepi wōniało25. Dolyjcie do tego jeszcze trocha wina i niech sie to tera podusi… nojlepi połra godzin, yno dejcie pozōr26, żeby sie niy przipołlōło27. Mogecie to jeszcze podlywać winym, a pod kōniec wciepcie tam śliwki. Jak już wszyske miysa bydōm miynke, to go jeszcze dosmakujcie28. Taki bigos je nojlepszy na drugi abo i trzeci dziyń, bez to nojlepi zrobić go aby dziyń przed fajerym29. Już sie robia godny30… Smacznego 🙂

Bigos Teściowyj-małe

1przepisów; ō- samogłoska w wymowie między o i u

2dużo

3pomidorów

4najczęściej

5powiedział

6powiedziała

7ô=ło

8zwyczajny

9bardziej

10mamy

11naprawdę

12kiełbasy

13prawdziwków

14butelka

15sam

16przepłuczcie

17pokrojoną

18dorzućcie

19gotować

20przypiekajcie

21kawałki

22gotowy

23pokroi

24przepłuczcie

25pachnieć

26uważajcie

27przypaliło

28doprawcie

29imprezą

30głodny

Post Author: klaudiuszkaufmann

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *