Szałołt ze melōnym (Sałatka z melonem)

Mōm1 nadzieja, że sie Marcin Melon- tyn ôd2 „Kōmisorza Hanusika”- niy baje3 bōł4, że ftojś5 go pokraje6 do szałołtu, ale jakbyjście sie chcieli, to ta ôd niego ksiōnżka mogecie7 sie poczytać abo posuchać do jedzynia (sōm żech nagroł piyrszy tōm)… Bajecie mieć melōna do kwadratu 😉

Szałołt to jedne, ale ta zōłza8 ze awokado to wyszła takoł dobroł, że trza bydzie jōm tyż wyprōbować przi inkszych9 receptach10.

Co potrza?

ćwierć melōna (joł11 żech doł żōłtego)

12 gowki szałołtu masłowego abo pó paczki miszōngu13 szałołtōw

2 gorści14 roszpōnki

1 gruszka

2 jabka

3 tōmaty15

Zōłza ze awokado:

jedne awokado

sok ze poły citrōłny16

1 łeżka ôctu winnego

8 łeżek oleju (rzepakowy abo słōnecznikowy)

4 łeżki oliwy

sōl i pieprz

Melōna ôbiercie17 ze skōry i pokrejcie18 we kostka. Gruszka, jabka i tōmaty niech idōm19 tōm20 samōm drōgōm (choć tōmatōw żech ze skōry niy ôbiyroł- ja, ja, je żech zgniōły21 😉 ). Do miski wciepcie22 potargane na mańsze23 kōnski24 liście szałołtu i fajnie je wymiyszejcie ze inkszymi składnikami.

Tera sie bierymy 25za zōłza. Awokado, jak je fajnie dojrzałe, to prawie same ôdyńdzie26 Wōm ôd skōry. Wciepcie je ze resztōm składnikōw do miski i zmiksujcie. Terozki czekoł Wołs już yno27 nałożynie szałołtu na talyrz, polōnie28 zōłzōm i… smacznego 🙂

1ō- samogłoska w wymowie między o i u

2ô= ło

3będzie

4bał

5ktoś

6pokroi

7możecie

8sos

9innych

10przepisach

11ja

12pół

13mieszanki

14garście

15pomidory

16cytryna

17obierzcie

18pokrójcie

19idą

20

21leniwy

22wrzućcie

23mniejsze

24kawałki

25bierzemy

26odejdzie

27tylko

28polanie

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *