Syrnik bez syra… i bez pieczynia ;) (Sernik bez sera i pieczenia)

Bez1 lato niy chce nōm2 sie włōnczać pieca i nojbarzi3 lubiymy, keby4 jake maszkyty5 sie prawie bez roboty znodły6 same na stole. Na tyn syrnik- niy- syrnik potrza7 15 minut, ale potyn kans8 maszkycynia… i do tego fajnie chōdny9, i fetaminy10, i niy za słodki 🙂

Co potrza?

250 ml krymōwki

800 g jogurtu naturalnego

100-120 g biszkoptōw (nojlepi te twarde- kocie jynzyczki abo take11 do tiramisu)

50 g masła (idzie tyż robić bez masła)

2,5 łeżki żelatyny (+ 1/3 szklōnki wody)

4 łeżki pudecukru12

500 g borōwek hamerykańskich

Ubijcie śmiytōnka, dejcie13 dō ni jogurt, cuker i ôzpuszczōnoł14 we wrzōntku żelatyna (nim jōm sam dołcie15, niech trocha ochōdnie16). Biszkopty pokruszcie (nojlepi nudelkulōm17, zawarte we jakim bojtlu), mogecie je pomiyszać ze masłym, ale kebyjście18 chcieli mieć jeszcze lżyjszy deser, to mogecie tyż to zrobić ze samych biszkoptōw.

Na dōł tortownicy dejcie papiōr do pieczynioł, na niego wysujcie19 te pokruszōne biszkopty. Potyn przidzie20 trocha masy „syrnikowyj”, na to warstwa borōwek, na nie reszta masy i na sōm wiyrch21 reszta borōwek. Tera22 do lodōwki aż stynżeje- na to nojlepi ôstwić23 połra godzin, żeby nōm sie potyn te ciasto niy rozleciało, a niyskorzi24 już yno smacznego 🙂

1w trakcie

2nam; ō- samogłoska w wymowie między o i u

3najbardziej

4kiedy

5słodycze

6znalazły

7potrzeba

8dużo

9chłodny

10witaminy

11takie

12cukru pudru

13dajcie

14rozpuszczoną; ō= ło

15dodacie

16ostudzi się

17wałkiem do ciasta

18gdybyście

19wysypcie

20przyjdzie

21górę

22teraz

23zostawić

24później

3 thoughts on “Syrnik bez syra… i bez pieczynia ;) (Sernik bez sera i pieczenia)

  1. Ja Czeszka mieszkajaca w Karwinie toz kolo granicy. Tutaj tez mowi sie „po naszymu”. Choc nasza gwara rozni sie troche od tej Waszej, nie trudno zrozumiec. Ale fajny desr! 🙂 Pozdrawiam!

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *