Kurki ze szpinatym (Kurki ze szpinakiem)

Kurki to sōm¹ chyba jedne z nojlepszych grzibōw. Majōm delikatny smak, kery² fajnie sie łōnczy niy yno ze inkszymi³ warzywami, ale i niyjednym miysym abo rybōm. Niyfajno to majōm yno cyna⁴, ale rołz za jaki czas idzie sie trocha rozbestwić⁵– no, chyba, że mołcie we lesie kaj⁶ jako dobro sztela⁷ 😉

Co potrza?

20 dkg kurek

20 dkg szpinatu- nojlepi te małe listki

2 zōmbki⁸ czosku

2 małe cukinie

2 kulki mozarelli

sōl i pieprz

oliwa

To idzie wartko⁹: na oliwie przesmołżcie w jakim gorku czosnek, dociepcie tam pokrōnoł cukinia, prziprawy i kurki. Jak już cukinia bydzie miynkoł¹⁰, to wciepcie¹¹ na chwila szpinat, a jak sie zblanszuje (ôklapnie), to już mōmy jedzynie fertich¹²– mogecie¹³ jeszcze trocha dosmakować¹⁴. Na talyrzu na wiyrch¹⁵ powciepujcie plastry mozarelli i idzie sie brać za jedzynie. Joł¹⁶ żech mioł do tego steki ze tuńczyka (to je richtich¹⁷ dobre miyso), ale pasować do tego bydzie prawie wszyjsko, nawet jako rolada. Smacznego 🙂