Moda kapusta bez wynołkwianio ;)

Modo kapusta, jak tak leży na sztandzie¹, to aże sie projsi, żeby my jōm wziyni ²do dōm. Ta bydzie bez wynołkwianio³ i na zicher⁴ kołżdymu przipasuje.

Co potrza?

gōwka modyj kapusty

małoł cebula

2 łeżeczki cukru

2 łeżki ôctu

połra łeżek oliwy

2 łeżki pokrōnego koperku

sōl i pieprz

Cebula pokrejcie⁵, posujcie⁶ cukrym, ôblyjcie ôctym, wymiyszejcie i niech ôna sie trocha przeżre⁷. Ze kapusty wyciepcie te liście z wiyrchu, przeżnijcie⁸ jōm na pó, wykrejcie tyn głōmb, a reszta pokrajejcie na drobne połski⁹. Przeciepcie to do jaki miski, oblyjcie oliwōm, dejcie zamarynowano cebula, koperek, sōl, pieprz, wymiyszejcie i biercie sie za jedzynie 😉 Ajnfachowe¹⁰? Takoł surōwka bydzie dobroł do kołżdego miysa abo i ryby. To smacznego 🙂