Biskitrola ze mascarpōne (Rolada biszkoptowa z mascarpone)

To je richtich1 ajnfachowe2, ale jak potyn pokrajecie to na talyrz i postawicie gojścōm3 do kafeju4, to to na zicher5 sie na to ciepnōm6 i jeszcze bydōm Wołs chwołlić7, jake to gryfne maszkyty8 żejście narychtowali.9

 

Co potrza?

4 jajca

4 łyżki mōnki tortowyj

4 łeżki cukru

1 płaskoł łeżeczka proszku do pieczynioł

500 g mascarpōne

krauzka10 kōnfitury abo dżymu*

*Joł żech bez lato, jak u Teściowyj bōło kans11 borōwek hamerykańskich, wciep je na patelnia, odparowoł woda i gorke wloł do krauzy. Potyn żech go yno przewrōciōł do gōry dnym i dziynki tymu terołzki miołech wspōminki ze lata 😉 Niy dołwołech tam żołdnego12 cukru! I nic sie niy zepsuło, a joł mōm terołzki same owoce.

Ôddzielcie biołka ôd żōłtkōw. Biołka ubijcie ze cukrym na sztywnoł piana, potyn wmiyszejcie tam pomału żōłtka i przesiōnoł mōnka ze proszkym do pieczynioł. Na sztyrogato13 forma dejcie papiōr do pieczynioł, wyłōżcie na to ciasto i wrojście na 20 minut do bratruły14 łozgrzōnyj na 170 stopni.

Jak tyn biszkopt baje upieczōny, to go przeciepcie na czysto uciyraczka15 i symnijcie16 papiōr do pieczynioł (niy opołrzcie17 sie przi tym). Niyskorzi18 zawińcie to w rola19 i dejcie tymu ochōdnōńć20.

Mascarpōne wymiyszejcie ze kōnfiturōm abo dżymym, łozsmarujcie21 na ochōdzōnym biszkopcie, zawińcie, dejcie22 na chwila do lodōwki i mogecie szykować kafyj 😉 Smacznego 🙂

1naprawdę

2proste

3gościom

4kawy

5pewno

6rzucą

7chwalić

8słodycze

9przygotowali

10słoiczek

11dużo

12żadnego

13prostokątną

14piekarnika

15ścierkę

16zdejmijcie

17oparzcie

18później

19rulon

20 ostudzić się

21rozsmarujcie

22włóżcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*