Dżym ze modych pyndōw świyrka (Dżem z młodych pędów świerka)




Mōm tako kōmratka1, kero2 warzy3 take dziwne rzeczy i co chwila wynojdzie jake ziele, kere za starego piyrwy4 wykorzystywały nasze praōłmy5, że se myśla, że ôna do roboty dojyżdżo na zicher6 na mietle7 😉

Tak mie tyn dżym zaciekawiōł, że aż żech musioł sprōbować cojsik takego narychtować8.

Te pyndy majōm kans9 fetaminy C i A, a do tego roztomajte10 kwasy i inksze składniki, kere majōm właściwojści przeciwzapalne, przeciwwirusowe i przeciwbakteryjne.

Smak moł to niypodobny do niczego, fajnie wōnio lasym i myśla, że bydzie to ciekawy dodatek do miysa.

Co potrza?

na 100 g pyndōw świyrku

przidzie 100 g cukru (joł żech doł brōnołtny11)

1 łeżka soku ze citrōłny

50 ml wody

 

Zbiyrejcie yno te blank małe pyndy, potyn je umyjcie, dejcie do miski, dolyjcie wody i zblyndujcie. Cuzamyn12 ze cukrym dejcie to na patelnia i powołrzcie13, żeby fajnie zgynstniało. Na kōniec dejcie tam sok ze cirtōłny i niyskorzi14 przełōżcie tyn dżym do wyparzōnyj krauzki15, przewrōćcie jōm do gōry dnym i fertich16. A bez zima… smacznego 😉

1koleżanka

2która

3gotuje

4dawniej

5prababcie

6na pewno

7miotle

8przygotować

9dużo

10różne

11brązowy

12razem

13pogotujcie

14później

15słoiczka

16gotowe




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*