Jochanki we szokoladzie (Czerwona porzeczka w czekoladzie)

To je tak po prołwdzie1 takoł wariacja na tymat ajnfachowego2 murzynka. Lubia, kej3 słodycz je przełōmano czymś kwajśnym, a do tego jeszcze tyn szokoladowy smak… niy ma co pisać- sprōbujcie 🙂

Te składniki bydōm na wiynkszo, sztyrogato4 blacha.

Co potrza?

300 g masła (niy myślcie ô cholesterolu 😉 )

1/4 szklōnki mlyka

3 łeżki kakao

1,5 szklōnki cukru

2 szklōnki mōnki

4 jajca

2 łeżeczki proszku do pieczynioł

trocha soli

300 g jochanek5

Masło, mlyko, kakao i cuker dejcie do gorka i powarzcie na małym ôgniu, aż sie z tego narychtuje jednolity syrop. Ochōdźcie6 go i ôdbiercie połra łeżek do jaki szolki7 (bydzie do polōnia po wiyrchu po upieczyniu). Ubijcie biołka (mogecie tam dać ździebko8 soli). Niyskorzi do ochōdzōnyj masy dejcie żōłtka, mōnka, proszek do pieczynioł i dobrze to wymiksujcie. Na kōniec wmiyszejcie do tego ubite biołka.

Łozgrzyjcie bratruła9 na 180 stopni. Masa przelyjcie do formy, połozciepujcie10 po wiyrchu jochanki i wrojście te ciasto na 45-50 minut do pieca.

Jak baje11 upieczōne, to posmarujcie je po wiyrchu jeszcze tym syropym, ochōdźcie i… smacznego 🙂

1naprawdę

2zwykłego

3gdy

4prostokątną

5czerwonej porzeczki

6ostudźcie

7kubka

8szczyptę

9piekarnik

10porozrzucajcie

11będzie

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*