Kyjkse ze kaszki dlo bajtli (Ciastka z kaszki dla dzieci)

Na take recepty¹ sie przichodzi², jak sie robi porzōndek we befyju³. Moja cera⁴ niy chce już jejś kaszki (5 ziaren, bez cukru), a ta je cołki czas dobro i żeby sie niy zmarnowała, to trza jōm jakosik przerobić… Ciastka zjadła 😉

Co potrza?

6 jajec

6 łeżek cukru

2 szklōnki kaszki

1 łeżeczka proszku do pieczynioł

Jajca ubijcie ze cukrym, potyn wmiyszejcie tam pomału⁵ kaszka, proszek i już prawie mōmy je fertich⁶. Bratruła⁷ łozgrzyjcie na 180 stopni, na blacha wciepujcie ciasto dwiyma łeżkami, wrojście⁸ do pieca na 20-25 minut, niech sie potyn trocha ochōdzōm⁹ i biercie sie za jedzynie. Nojlepsze sōm świyże, z wiyrchu chrupiōnce, driny¹⁰ miynke…. Smacznego 🙂