Sezōn na edbery niy je dugi[1] i trza go jak nojbarzi[2] wykorzystać. Idzie je jejś[3] same, idzie sie upiyc[4] jake[5] ciasto, abo sie szczelić[6] na szybko jaki deser. Tyn, co sam ło nim byda pisoł,[7] robi sie raz, dwa, a ta słodko szokoladowo kryjma[8] pasuje do tych edberōw, jak piwo do grillowanego wōsztu[9] 😉
Co potrza?[10]
edbery- aby kilo[11]
bioło szokolada
syrek[12] mascarpone (250 g)
pudełko śmiytōnki[13] 30% (125-150 ml)
łeżka[14] cukru pudru
Edbery umyjcie i łobiercie.[15] Rozpuśćcie szokolada w jaki[16] misce na gorku[17] z wrzōntkym.[18]
Ubijcie śmiytōnka, dejcie tam pod koniec cuker puder, mascarpone i porzōndnie wymiyszejcie.[19] Teraz wlyjcie[20] tam ta rozpuszczōno szokolada, trocha pomiksujcie i fertich.[21]
Mogecie[22] ta kryjma dać na dōł, a na to edbery, abo i nojprzōd[23] edbery, a na gōrze fajnie ułōżcie[24] sie tyn szokoladowy iberaszōng[25]. Smacznego:)
[1] długi
[2] najbardziej
[3] jeść
[4] o nim
[5] upiec jakieś
[6] strzelić, zrobić sobie
[7] będę pisał
[8] krem
[9] kiełbasy
[10] co potrzeba
[11] przynajmniej kilogram
[12] serek
[13] śmietany
[14] łyżka
[15] obierzcie
[16] jakiejś
[17] albo garnku
[18] wrzątkiem
[19] porządnie wymieszajcie
[20] wlejcie
[21] gotowe
[22] możecie
[23] najpierw
[24] ułóżcie
[25] niespodzianka
Dodaj komentarz