Jak widza niyrŏz co nowego we sklepie, to sie tego napra i musza sprōbować. Tak bōło i z tymi kabanosami. Te normalne kabanosy Tarczyńskiego bardzo lubia i to wszyjske możliwe zorty, nawet te ze cebulkōm, syrym, czy chili. I żech sie pomyśloł, co to moge być za wynalazek… i już żech tego pożałowoł.
Zapłaciołech za nie 4,99 zł i to wcale niy je dużo- jak za kabanosy.
We składzie majōm: woda, teksturowane biołko sojowe (28%), olyj słōnecznikowy, cebula, biołko sojowe, tuste roślinne (shea i kokosowe), sōl, prziprawy, ekstrakty przipraw, arōmaty, ekstrakt ze drożdży, cuker, błōnnik, sok ze ćwikli, dwufosforan żelazowy, fetamina b12, osłōnka: alginian sodu (substacja żelujōncŏ), stabilizatory:celuloza i chlorek wapnia.
Wōniajōm nawet dobrze, konsystyncja majōm podobno do tych normalnych kabanosōw, ale smak… Trocha jak rozmiynkczōne trociny mocno prziprawiōne wyndzōnōm paprykōm. Tak choby te prziprawy miały zamaskować to, że to biołko sojowe je bez smaku. Moja Kobiyta ôd nich uciekała, a dziecku bych tego niy doł. Niy ma co dali pisać. Dejcie sie ś nimi pokōj i abo kupcie normalne kabanosy, abo sie lepi kupcie szokolada.
Dodaj komentarz