Marchew we szokoladzie (Marchew w czekoladzie)

Chciołech moji cerze¹ upiyc szokoladowe babeczki (te uwielbiōm: https://chopwkuchni.pl/?p=86 ), ale ôna sie uparła na ciasto marchewkowe… co bōło² zrobić, musiołech wymyślić marchew we szokoladzie³ 😉

Co potrza?

5 jajec

100 g cukru (jŏ żech doł 75 g biołego i 25 g kokosowego), ale jak lubicie barzi słodke maszkyty⁴, to lepi dejcie 150 g (mogecie dać tyż brōnołtny⁵)

100 g gorzkyj szokolady

1 szklōnka startyj wyciśniyntyj marchwi

100 g płatkōw mandli⁶

100 g mōnki pszynnyj

100 g mōnki orkiszowyj (dołech takyj razowyj)

1 płaskŏ łeżeczka sody oczyszczonej

1 płaskŏ łeżeczka proszku do pieczyniŏ

pó szklōnki ôleju

trocha pudecukru⁷ do posucia po wiyrchu

Szokolada łozpuśćcie⁸ we jakyj małyj misce nad gorkym ze wrzōntkym. Jajca ubijcie ze biołym cukrym. Potyn wmiyszejcie tam pomału reszta składnikōw- jŏ żech to robiōł warzechōm.

Bratruła⁹ łozgrzyjcie na 180 stopni. Forma (jŏ żech mioł takŏ na abgeryjta¹⁰ ze dziurōm postrzodku¹¹) posmarujcie masłym i posujcie¹² tartōm bōłkōm. Ciasto do formy, forma na 45 minut do bratruły i fertich¹³. Na kōniec mogecie jeszcze je yno posuć ździebko¹⁴ pudecukrym. Smacznego 🙂