Szpajza ze mango (Deser śląski- wersja eksperymentalna z mango)

Jak idzie1 zrobić szpajza ze pozimkōma,2 to  czamu3 niy zrobić sie i taki4 barzi5 oriyntalnyj ze mango. Pomysłōw na roztomajte6 szpajzy mōm7 jeszcze trocha i to może mi z tego wyjdzie tako całoł seria. Pamiyntejcie, że nojważniysze jest sam8 te mango, niy moge9 być twarde, ale fajnie miynke i soczyste. Tyn deser je taki odświyżajōncy, niy za słodki i jak żech go testowoł na gościu, to niy dojś,10 że  przeżōł,  to jeszcze pedzioł,11 że je bardzo dobry 🙂

Co potrza?

1 sroge12 i dojrzałe mango
400 ml śmiytōnki ( 36 % )
2 łeżki cukru pudru
3 łyżeczki żylantyny
połra13 łeżek wody

Do posypania na gōra:
płatki biołyj14 szokolady, abo kōłkōsraszple,15 abo płatki migdałów, abo jeszcze jake inksze rzeczy, co to bydōm fajnie wyglōndać na wiyrchu.16

Mango łobiercie,17 pokrejcie18 na byle jake kōnski19 i dejcie20 je do jaki miski, abo blyndera. Ta pestka, co je we środku, mogecie wyciepnōńć.21 Mango zmiksujcie, dodejcie do niego rozpuszczōno we wrzōntku żylantyna i wejście22 sie za śmiytōnka. Ubijcie jōm, a pod kōniec dejcie cuker puder. Tera nastołwcie23 sie mikser na mańszo24 pryndkość i pomału25 dodołwejcie sie dō ni te zmiksowane mango. Przelyjcie ta szpajza do jaki fajny miski, na wiyrchu posypcie szokoladōm abo i jakim inkszym łōnym do posypowania, dejcie do lodōwki, poczekejcie, aże stwardnie i …smacznego 🙂

Szpajza ze mango- małe

1można

2truskawkami

3dlaczego

4takiej

5bardziej

6różne

7mam

8tutaj

9może

10dość

11powiedział

12duże

13kilka

14białej

15wiórki kokosowe

16górze

17obierzcie

18pokrójcie

19kawałki

20włóżcie

21możecie wyrzucić

22zabierzcie

23ustawcie

24mniejszą

25powoli

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

Dodaj komentarz

Twój adres email nie zostanie opublikowany.


*