Makōwki (Śląskie danie wigilijne zawierające duże ilości maku ;) )

Receptōw1 na makōwki je na zicher2 tyla, co chałpōw3 na Ślōnsku i kołżdy zawdy4 baje gołdoł5, że ôd niego muter6 abo ōłma7 robi nojlepsze. Tyn recept, co go sam terozki8 czytołcie, dała mi moja Muter, a ônyj kedyjś moja Ōłma i idzie pedzieć, że to już je takoł wielopokolyniowoł tradycja.

Co potrza?

25 dkg zmielōnego maku

łeżka masła

szklōnka mlyka

10 dkg rodzynek- mogōm być pryndzyj zamoczōne we rumie

10 dkg mandli9– nojlepi płatki

cuker do smaku- aby10 4 łeżki, choć mogecie tyż sam dać miodu

staroł bōłka- nojlepi lynga abo jak to niyftorzi gołdajōm: wek

Jak już bajecie11 mieli zemlōny12 mak, to go rozciōngcie13 na jaki misce i posujcie14 cukrym, żeby sie niy zagoryknōł15– jak to moji Mutrze padała Ōłma Albina. Zawarzcie16 sie we gorku trocha wody i wciepcie17 tam tyn mak- jak sie go warzi na wodzie, to sie niy baje tak przipołloł18. Jak już bez 15 minut sie popranży19, to wciepcie tam łeżka masła, bakalie, a na kōńcu mlyko i cuker do smaku. Pamiyntejcie, żeby to bōło rzołdke20, bo jak baje za gynste, to bōłka wciōngnie woda i Wōm wyńdōm21 suche makōwki.

Niyskorzi22 narychtujcie jakoł miska i pokrejcie bōłka na mańsze sznitki. Potyn już yno dowołcie do miski szichta23 bōłki, na to mak, potyn bōłka, zajś mak… i tak do samego kōńca. Na samym wiyrchu moł być warstwa maku. Nojlepi sie to jeszcze posujcie na gōrze kōłkōsraszplami24 abo płatkōma mandli, żeby to nōm gryfnij25 na stole potyn wyglōndało. Terozki ôstało26 nōm już yno czekać na Wilijoł i jak już zjycie zupa, skōńczycie sie bawić ze ôściami ôd karpia, to sie mogecie ciepnōńć27 na makōwki. Smacznego 🙂

 

 

 

1przepisów; ō- samogłoska w wymowie między o i u

2na pewno

3domów

4zawsze

5mówił

6mama

7babcia

8teraz

9migdałów

10przynajmniej

11będziecie

12zmielony

13rozłóżcie

14posypcie

15skwaśnieć

16zagotujcie

17wrzućcie

18przypalał

19Przyznaję, że nie wiem, jak się to będzie nazywało po polsku, powiedzmy- pogotuje 😉

20rzadkie

21wyjdą

22później

23warstwa

24wiórkami kokosowymi

25ładniej

26zostało

27rzucić

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*