Sztamfowany groch ze batatym (Purée batatowo-grochowe)

Szukołech1 dzisiej czegosik, co by sie szło zjejś2 do schabu we musztardzie, kery żech rychtowoł3 na mitag4– recept5 przidzie niyskorzi6. Je zima, a czytołech ôstatnio7, co to werci8 sie wtedy jejś groch, bo mo driny9 tela10 dobroci, że potyn niy trza wcale łajzić11 do aptyki. Chciołech go ze czymś połōnczyć12 , co by trocha złōmało jego smak i tak żech prziszoł na bataty- dlo tych, co ich niy znajōm, to sōm13 take słodke kartołfle14, kere przijechały dō nołs15, jak i tyn normalny kartołfel, ze Ameryki, ale sōm ôd tamtego zdrowsze. Wyszło danie lekko słodkawe i delikatne, co to idealnie pasuje do dobrze prziprawiōnego miysa abo i ryby.

Co potrza?

2 szolki16 (ôd kafeju) łuskanego grochu

1 batat (30-40 dkg)

2 łeżeczki majeranku

łeżka masła

sōl i pieprz

2 liście bobkowe17

4 szolki (ôd kafeju) wody

Na sōm poczōntek zalyjcie wrzōntkym tyn groch we jakim gorku i ôstołwcie18 go tak na jake 15 minut- stracōm19 sie bez to te składniki, co to by nos mōgły niypotrzebnie beczkować. Wylyjcie ta piyrszo20 woda i wlyjcie 4 szolki, ô ftorych żech sam pryndzyj21 pisoł i zacznijcie tyn groch warzić. Wciepcie22 tam łeżeczka majeranku, 2 liście bobkowe i trocha pieprzu (sōl domy dopiyro na sōm kōniec). Batata ôbiercie23, pokrejcie na mańsze kōnski24 i dociepcie do tyj wody. Niech sie to tak 30-40 minut powarzi- aż groch bydzie miynki. Keby25 Wōm sie na gōrze przi warzyniu zbiyrały szuminy26, to je wyciepcie27– niy bōjcie sie ô majeranek, co go tyż wyciepniecie, bo na kōniec go jeszcze trocha dosujymy28. Wody je tak mało, bo idzie ô to, żeby tego grochu nie ôdcedzać, bo sie bez to marnuje kans zdrowych minerałōw, kere przełażōm do wody przi warzyniu. Jak już wszyjsko baje29 miynke, to wciepcie tam soli, pieprzu, łeżeczka majeranku, łeżka masła i posztamfujcie30. Za chwila jeszcze rołz dosmakujcie31 i… smacznego 🙂

1szukałem

2zjeść

3przygotowywałem

4obiad

5przepis

6później

7ô= ło

8opłaca

9w środku

10tyle

11chodzić

12ō- samogłoska w wymowie pomiędzy o i u

13

14ziemniaki

15nas

16filiżanki do kawy

17liść laurowy

18zostawcie

19zgubią

20pierwszą

21wcześniej

22wrzućcie

23obierzcie

24mniejsze kawałki

25gdyby

26piana

27wyrzućcie

28dosypiemy

29będzie

30potłuczcie

31doprawcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*