Czowiek sie smyko1 po świecie, prōbuje2 roztomajte3 smaki, a potyn idzie do Teściowyj na zygrōdka,4 widzi świyże liście winogrōn i zarozki5 chce je narychtować6 na ôbiołd. Na Bliskim Wschodzie ôni7 zawijajōm do tych liści ryż, joł już tyż to robiōł, ale nojprzōd sie weznymy8 za cojsik9 barzi10 ajnfachowego11. Połra12 składnikōw, trocha roboty, a do karminadli abo kotleta mołcie13 blank14 inkszy15 dodatek. Te liście majōm taki fajnie kwaskowaty smak i mōm nadzieja, że Wōm tyż posmakujōm.
Co potrza?
połra kartołfli
1 cukinia abo 2 mańsze16
połra liści ze winogrōn
sōl i pieprz
łeżka masła klarowanego
2-3 łeżki oliwy
natka pietruszki do posucia17 po wiyrchu18
Pokrejcie19 kartołfle na mańsze kōnski i ze oliwōm wciepcie20 na patelnia. Dodejcie do tego jeszcze łeżka masła klarowanego, sōl i pieprz. Jak już kartołfle sie bydōm21 robiōły miynke22, to dociepcie23 do tego pokrōnoł cukinia i liście ze winogrōn. Jak idzie ô liście , to wybiyrejcie zawsze te najświyższe, nojbarzi zielōne. Tera to mogecie na chwila przikryć, żeby sie podusiōło, a potyn czeko Wołs już yno24 jedzynie. Na talyrzu posujcie to jeszcze natkōm i… smacznego 🙂
1włóczy
2ō- samogłoska w wymowie między o i u
3różne
4ogród
5zaraz
6przygotować
7ô= ło
8weźmiemy
9coś
10bardziej
11prostego
12kilka
13macie
14całkiem
15inny
16mniejsze
17posypania
18na górze
19pokrójcie
20wrzućcie
21będą
22miękkie
23dorzućcie
24tylko
Dodaj komentarz