Syrnik bez syra… i bez pieczynia ;) (Sernik bez sera i pieczenia)

Bez¹ lato niy chce nōm² sie włōnczać pieca i nojbarzi³ lubiymy, keby⁴ jake maszkyty⁵ sie prawie bez roboty znodły⁶ same na stole. Na tyn syrnik- niy- syrnik potrza⁷ 15 minut, ale potyn kans⁸ maszkycynia… i do tego fajnie chōdny⁹, i fetaminy¹⁰, i niy za słodki 🙂

Co potrza?

250 ml krymōwki

800 g jogurtu naturalnego

100-120 g biszkoptōw (nojlepi te twarde- kocie jynzyczki abo take¹¹ do tiramisu)

50 g masła (idzie tyż robić bez masła)

2,5 łeżki żelatyny (+ 1/3 szklōnki wody)

4 łeżki pudecukru¹²

500 g borōwek hamerykańskich

Ubijcie śmiytōnka, dejcie¹³ dō ni jogurt, cuker i ôzpuszczōnoł¹⁴ we wrzōntku żelatyna (nim jōm sam dołcie¹⁵, niech trocha ochōdnie¹⁶). Biszkopty pokruszcie (nojlepi nudelkulōm¹⁷, zawarte we jakim bojtlu), mogecie je pomiyszać ze masłym, ale kebyjście¹⁸ chcieli mieć jeszcze lżyjszy deser, to mogecie tyż to zrobić ze samych biszkoptōw.

Na dōł tortownicy dejcie papiōr do pieczynioł, na niego wysujcie¹⁹ te pokruszōne biszkopty. Potyn przidzie²⁰ trocha masy „syrnikowyj”, na to warstwa borōwek, na nie reszta masy i na sōm wiyrch²¹ reszta borōwek. Tera²² do lodōwki aż stynżeje- na to nojlepi ôstwić²³ połra godzin, żeby nōm sie potyn te ciasto niy rozleciało, a niyskorzi²⁴ już yno smacznego 🙂