Nalywka ze pozimkōw (Nalewka z truskawek)

Bōł¹ żech ôstatnio na gyburtstagu² i ôsprawioł³ żech ze takim modym farorzym⁴, kery⁵ tyż robi roztomajte⁶ nalywki. I jak mi pedzioł⁷ o tyj pozimkowyj, to żech musioł wartko⁸ szukać pozimek, żeby z tych ôstatnich jeszcze trocha narychtować⁹. Co z tego wyńdzie¹⁰? Ôbejrzymy¹¹ za szejś¹² miesiyncy 😉

Co potrza?

1 kg pozimek

1 szklōnka cukru

1 szklōnka szpirytusu¹³

gorzołki¹⁴… pōnojś do smaku, ale ze szklōnka to już trza bydzie dać 😉

Nojprzōd¹⁵ pokrejcie¹⁶ pozimki (chyba, że gołdocie¹⁷ na nie truskawki) i we jaki krauzie¹⁸– nojlepi by bōło w jaki wiynkszyj, ale u mnie we jednyj sōm¹⁹ wieprzki²⁰ ze jagōdkami²¹, a drugo czeko na wiśnie i bez to mōm dwie mańsze²²– ukłołdejcie²³ warstwami pozimki i cuker. Potyn zalyjcie to szklōnkōm szpirytusu. Za dwa miesiōnce dolyjcie²⁴ do tego gorzołki- tak do smaku, ale myśla, że tam szło by włołć²⁵ i dwie szklōnki, co by to niy bōło za słodke- i czekejcie… szejś miesiyncy… jak joł to wytrzimia²⁶… Nawet tera to jeszcze niy ma co gołdać²⁷: smacznego 😉