Bezglutynowe i bezcukrowe ajerkuchy- choć na słodko ;) (Naleśniki bezglutenowe)

Ô¹ te miano² to by sie niyftorzi³ mōgli⁴ wadzić⁵– dlo jednych ajerkuchy to sōm yno take rubsze⁶ placki, dlo inkszych⁷ cojsik choby⁸ racuchy, a dlo jeszcze inkszych yno naleśniki. Dlō mie sōm⁹ to wszyjske plackopodobne dania, we kerych¹⁰ je jajko, mōnka i sie je piecze na patelni. A do tego jeszcze podobo mi sie słowo ajerkuchy i… szlus¹¹. Dzisiej cojsik¹² dlo tych, kerzy niy mogōm jejś¹³ glutynu i dlo tych, kerzy niy chcōm jejś cukru- ja¹⁴, ja, sōm take ludzie 😉

Co potrza?

Ajerkuchy:

2 jajca

2 szklōnki mlyka

1 szklōnka mōnki ryżowyj

1 szklōnka mōnki ze majsu¹⁵

ździebko¹⁶ soli

1/3 łeżeczki sody oczyszczōnyj

trocha oleju do natłuszczynia patelni

Nadziynie:

500 g syrka mascarpōne

gorść¹⁷ płatkōw ze mandli¹⁸

2 banany

gorść rodzynek

Jajca wciepcie¹⁹ do jaki miski i zmiksujcie, dociepcie do tego reszta składnikōw ajerkuchōw i wszyjsko²⁰ fajnie wymiyszejcie. Ciasto niy moge być ani za gynste²¹ (źle sie bydzie ôzlywać²² po patelni), ani za rzołdke^{23 (}ajerkuchy bydōm sie ôzlatywać²⁴⁾. Jak już mołcie²⁵ te idealne ciasto, to wlyjcie na ôzgrzōno patelnia kapka oleju i ôzprowadźcie²⁶ go po niyj. Tera wlyjcie tam kelnia²⁷ ciasta i ruszejcie patelniōm tak, żeby ôzprowadzić je po całym dnie. Jak baje²⁸ upieczōne ze jednyj strōny, to przeciepcie²⁹ na drugoł i to by bōło na tyla- przi kołżdym kolyjnym trza robić dokładnie to samo.

Nadziynie: do jaki miski wciepcie mascarpōne, pokrōnego na mańsze kōnski banana, mandle i rodzynki i wszyjsko fajnie wymiyszejcie.

Jak już ajerkuchy bydōm upieczōne, to do środka wrojście tego nadziynia i fertich³⁰. Smacznego 🙂