Cukinia ze apfylzinōm (Cukinia z pomarańczą)

To, że lubia trocha poeksperymyntować, to już chyba wiycie¹, a niyrołz² to aże mie samego zaskoczy tyn smak, kery na sōm³ kōniec bańtuje⁴ na moich kubkach smakowych- po ślōnsku to możno by bōły szolki smakowe 😉

Cukinia lubia, a że w dōma miołech tyż sok ze apfylzinōw⁵, to żech sie pomyśloł, że jakojś to połōncza… a że chopy lubiōm tyż miyso, to we recepcie⁶ wylōndowała wyndzōnka⁷ 🙂

Co potrza?

2 małe cukinie

0,5 szklōnki soku ze apfylzinōw

15 dkg wyndzōnki

małoł cebula

pieprz

połra⁸ listkōw limōnki kaffir (mogecie zamiast tego wycisnōńć trocha soku ze citrōłny)

listki ze świyżyj bazylii

Pokrōnoł⁹ wyndzōnka wciepcie na patelnia i fajnie przibrōnołćcie¹⁰. Potyn dociepcie¹¹ dō niyj cebula, a jak ôna¹² sie zeszkli, to dejcie¹³ tam na chwila pokrōnoł cukinia. Potyn zalyjcie¹⁴ to sokym, dejcie pieprz, listki limōnki (abo citrōłna) i niech to sie bez przikrycia trocha powarzi¹⁵. Jak cukinia bydzie miynkoł, a sok ôdparuje, to jedzynie mołcie¹⁶ fertich¹⁷. Na talyrzu mogecie jeszcze to posuć¹⁸ świyżōm bazyliōm i … smacznego 🙂