Krewetki ze wyndzōnkōm (Krewetki z wędzonym boczkiem)

Krewetki sie abo lubi, abo ich niy ciyrpi. Całe szczyńście my sie z mojōm¹ Kobiytōm² dobrze dobrali, bo rołz³ za jaki czas lubiymy wmōcić⁴ połny⁵ talyrz tych morskich chrobołkōw⁶ 😉 Terozki je tako moda, że sie owoce morza łōnczy ze miysym, a że niftorzi niy umiōm sie wyforsztelować⁷ jedzynia bez smaku choby⁸ kōnska⁹ wyndzōnki¹⁰, to to je danie właśnie dō nich.

Co potrza?

40-50 dkg krewetkōw- nojlepi ôbranych¹¹

10-15 dkg wyndzōnki

1 cebula

1-2 zōmbki czosku

2 łeżki oliwy

pieprz

keliszek biołego wina (wytrawne abo pówytrawne)

2-3 łeżki posiekanyj natki pietruszki

Na patelnia wciepcie¹² pokrōnoł¹³ wyndzōnka i przipiyczcie. Jak już sie przibrōnołci¹⁴, to dolyjcie tam oliwy, wciepcie pokrōnoł cebula, pieprz i wyciście czosnek. Niyskorzij wlyjcie wino i jak ône trocha ôdparuje, to wciepcie krewetki- nojczyńścij sōm już pryndzyj¹⁵ uwarzōne¹⁶, bez to potrzebujōm na patelni yno połra¹⁷ minut. Pod kōniec dociepcie tyż pietruszki i mogecie¹⁸ sie brać za jedzynie. Dobroł¹⁹ bagietka, keliszek biołego wina i … smacznego 🙂