Hauskyjza (Śląski ser smażony)

Hauskyjza łaziōła¹ za mnōm² od dugszego³ czasu, ale moja Baba⁴ niy dała mi jyj⁵ zrobić we miyszkaniu, bo by mie chyba wyczasła⁶ ze tym smrodlawym syrym.⁷ Dopiyro jak żech przijechoł do Teściowyj, co mo⁸ wiynkszo chałpa,⁹ znod żech w ni¹⁰ tako izba,¹¹ kaj¹² żech się mōg postawić miska ze tym syrym. Smrōd bōł z kołżdym¹³ dniym wiynkszy, ale jak już syr bōł fertich,¹⁴ to od niego smak wynagrodziōł nōm te smrodlawe mynki.¹⁵ I jak przijechała na besuch¹⁶ jedna Ciotka z Wiynkszyc i dała sie w ta hauskyjza, to Teściowa musiała ji¹⁷ jōm wyrwać i skludzić do lodōwki,¹⁸ bo by nōm całoł zezarła. Tyn smak to je to, yno żeby tego smrodu bōło mani.¹⁹ Nawet jak już pojada do dōm, to Teściowa bydzie mogła pedzieć:²⁰ ziyńć pojechoł, smrōd łostoł.

Co potrza?²¹

500 g biołego syra

trocha soli, pieprzu

garść kminku

2 łeżki²² masła

2 żōłtka

Syr pożgejcie²³ w jaki misce, posypcie solōm i kminkym, nakryjcie jakim ryncznikym²⁴ do naczyń i łodstołwcie²⁵ na połra dni w jake miejsce, kaj Wōm niy bydzie zawołdzoł²⁶ tyn smrōd. Jak już bajecie²⁷ widzieć, że już bydzie klajstrowaty²⁸ (4-6 dni), to rozpuśćcie sie na patelni masło, wciepcie²⁹ tam tyn syr i niech się porzōndnie podsmołży³⁰. Potyn wciepcie tam żōłtka, trocha pieprzu- mogecie jeszcze do smaku tyż trocha posolić- trocha to pomiyszejcie i fertich. Wlyjcie³¹ sie to do jaki miski, niech trocha ochōdnie³² i… smacznego:)