Szpinat i inksi (Sałatka ze szpinakiem ;) )

[1]Pomału[2] idzie lato, a razym ze nim i sezōm[3] na badeancugi[4]. A jak czowiek[5] mo być łoblecōny[6] yno w takoł[7] mało szmatka, to już połra[8] tydni pryndzy[9] myśli jakoby sam ściepnōńć[10] tyn szpek[11]. A sam pomogajōm[12] nōm roztomajte[13] szałołty, co je mogymy[14] jejś[15] zamiast kartołfli, nudli[16] abo chleba.

Co potrza?[17]

połra[18] gorści[19] szpinatu[20] (nojlepsze sōm[21] take małe listki)
ćwierć ananasa (abo połra kōłkôw[22] takego ze puszki)
2 jabka[23]
połra łodygōw zelera naciowego[24]
pó[25] puszki kukurydzy- niyroz mianujōm[26] jōm majsym
połra listkōw bazylii

Zōłza[27] jogurtowo:
pó wyciśniyntyj citrōłny[28]
połra łeżek jogurtu greckego (4 abo 6)
łeżka[29] oliwy
sôl i pieprz

Joł niyroz[30] niy pisza, że trza wziōńć[31] 4 łodygi, yno pisza połra, bo musicie sie te proporcje samymu[32] łokryślić[33] np. jak mołcie sroge[34] jabka, to trza dać wiyncy[35] zelera. A przi okazji sami ustawiołcie[36] sie smaki. Chciołbych, żebyjście byli takimi didżejōma[37] we kuchni. Umyty i łosuszōny[38] szpinat- terozki to już sprzedowajōm[39] tyż taki umyty, to już je całkym[40] bez roboty- wciepcie do miski. Jak Wōm te listki sōm za sroge to mogecie[41] je tyż pokrajać. Pokrejcie[42] ananasa, jabka, zeler i tyż[43] wciepcie do miski. Dejcie[44] tam ta kukurydza, połra listkōw bazylii i wymiyszejcie[45] abo ułōżcie sie to wszysko na talyrzu[46] jak joł na zdjyńciu.[47] Składniki zōłzy wymiyszejcie razym i na kōniec[48] łoblyjcie[49] tyn szałołt.