Rybnoł zupa ze jabkym i bananym (Zupa tajska- wersja pierwsza ;) )

Ślōnzoki1 jeżdżōm po cołkim2 świecie, chodzōm do roztomajtych3 restauracji, to czamu4 niy mogōm sie w dōma narychtować5 takyj ajnfachowyj6 tajskyj zupy rybnyj. Dorsz je delikatny, ôd niego smak fajnie wzbogaco pasta curry. Jabko, banan i mlyko kokosowe dajōm tymu trocha słodyczy, a i dziynki nim całoł zupa bydzie nōm na talyrzu fajnie wōniać.

Co potrza?

50 dkg dorsza

2-3 łeżki soku ze citrōłny7

1 srogoł8 cebula abo 2 mańsze

1 banan

1 wiynksze jabko

500 ml buliōnu

400 ml mlyka kokosowego

łeżka9 masła klarowanego

łeżka oliwy

2 łeżki pasty curry (zielōnyj abo i jaki inkszyj10), a jak taki11 niy mołcie, to dejcie12 łeżka łagodnego curry (kebyjście niy wiedzieli, czy niy bydzie za ôstre, to dejcie naprzōd13 yno małoł łeżeczka, a potyn dosmakujcie14)

połra łeżek pokrajanego15 sznitlochu16 abo dymki

sōl i pieprz

Pokrejcie17 ryba na 2 cm kōnski18, posypcie leko19 solōm, pieprzym, ôblyjcie sokym ze citrōłny i niech ôna chwila tak postoji.

We gorku na maśle i oliwie zeszklijcie pokrōnoł cebula, wciepcie pasta curry, a jak zacznie fajnie wōniać, zalyjcie to buliōnym i mlykym kokosowym. I niech sie to aby 5 minut na małym ôgniu powarzi20, żeby się te smaki mōgły połōnczyć. Tera wciepcie tam ryba, a 5 minut niyskorzi21 potarte na rubych ôczkach jabko i pokrajanego na pó-talarki banana. Terozki mogecie już rychtować22 talyrze, nalywać, na wiyrch23 wciepnōńć24 trocha dymki i… Smacznego 🙂

1ō- samogłoska w wymowie między o i u

2 całym

3różnych

4dlaczego

5przygotować

6prostej

7cytryny

8duża

9łyżka

10innej

11takiej

12dajcie

13najpierw

14doprawcie

15pokrojonego

16szczypiorku

17pokrójcie

18kawałki

19lekko

20pogotuje

21później

22przygotowywać

23górę

24wrzucić

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*