Rybnoł zupa ze jabkym i bananym (Zupa tajska- wersja pierwsza ;) )

Warning: Undefined array key "sfsi_plus_mastodonIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1931

Warning: Undefined array key "sfsi_plus_riaIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1932

Warning: Undefined array key "sfsi_plus_inhaIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1933

Ślōnzoki¹ jeżdżōm po cołkim² świecie, chodzōm do roztomajtych³ restauracji, to czamu⁴ niy mogōm sie w dōma narychtować⁵ takyj ajnfachowyj⁶ tajskyj zupy rybnyj. Dorsz je delikatny, ôd niego smak fajnie wzbogaco pasta curry. Jabko, banan i mlyko kokosowe dajōm tymu trocha słodyczy, a i dziynki nim całoł zupa bydzie nōm na talyrzu fajnie wōniać.

Co potrza?

50 dkg dorsza

2-3 łeżki soku ze citrōłny⁷

1 srogoł⁸ cebula abo 2 mańsze

1 banan

1 wiynksze jabko

500 ml buliōnu

400 ml mlyka kokosowego

łeżka⁹ masła klarowanego

łeżka oliwy

2 łeżki pasty curry (zielōnyj abo i jaki inkszyj¹⁰), a jak taki¹¹ niy mołcie, to dejcie¹² łeżka łagodnego curry (kebyjście niy wiedzieli, czy niy bydzie za ôstre, to dejcie naprzōd¹³ yno małoł łeżeczka, a potyn dosmakujcie¹⁴)

połra łeżek pokrajanego¹⁵ sznitlochu¹⁶ abo dymki

sōl i pieprz

Pokrejcie¹⁷ ryba na 2 cm kōnski¹⁸, posypcie leko¹⁹ solōm, pieprzym, ôblyjcie sokym ze citrōłny i niech ôna chwila tak postoji.

We gorku na maśle i oliwie zeszklijcie pokrōnoł cebula, wciepcie pasta curry, a jak zacznie fajnie wōniać, zalyjcie to buliōnym i mlykym kokosowym. I niech sie to aby 5 minut na małym ôgniu powarzi²⁰, żeby się te smaki mōgły połōnczyć. Tera wciepcie tam ryba, a 5 minut niyskorzi²¹ potarte na rubych ôczkach jabko i pokrajanego na pó-talarki banana. Terozki mogecie już rychtować²² talyrze, nalywać, na wiyrch²³ wciepnōńć²⁴ trocha dymki i… Smacznego 🙂