Gofry




Niy ma chyba za kans1 bajtli2, kere3 niy lubiōm4 gofrōw. A i ci barzi5 majerantni6, kej7 sie pojadōm na wywczasy8 i przelezōm9 kole budki ze goframi, to sie niyjednymu zawołży10 i kupi choby yno takego z pudecukrym. Ale czamu sie takich niy narychtować11 w dōma? Takoł maszyna do robiynia gofrōw idzie kupić za 50 zł, a to tela, wiela sie we jakim kurorcie zapłaci za piyńć gofrōw. My z mojōm Babōm12 to sie lubiymy niyrołz tak pomaszkycić i na mitag13– ku tym gofrōm ślagzana14, roztomajte15 owoce i całoł fōra16 kalorii 😉

Co potrza?

(ta ilość styknie nōm na ôjziym17 wiynkszych gofrōw):

3 jajca

1/3 ôzpuszczōnyj18 kostki masła (ale niy tyj niymieckyj 250 g, yno tyj cyganiōnyj polskyj 200 g)

2 szklōnki mōnki

1 szklōnka mlyka

3-4 łeżki cukru

ździebko19 soli

3 płaske łeżeczki proszku do pieczynioł

trocha ôleju do natłuszczynia gofrownicy

Jajca zmiksujcie ze cukrym, wciepcie20 reszta składnikōw, wymiyszejcie i fertich21– nojlepi, jak te ciasto niy je za rzołdke22. Gofrownica posmarujcie ôlejym, dejcie23 tam trocha tego ciasta- tak, żeby yno przikrōło ta dolnoł czyńść- i zawrzyjcie24. Niyskorzi25 trza wejrzeć26, czy sie niy przibrōnołciōło27 za kans i nojlepi ôbrōcić na drugoł strōna. Jak już bydzie prawie fertich, to otwōrzcie i niech sie tera chwila posuszy ze jednyj i drugyj strōny, to tyn gofer bydzie barzi chrupiōncy. Na tym robota sie kōńczy i zaczyno Wasza fantazja, co byjście chcieli sie tam na wiyrch wciepnōć. Ślagzana, roztomajte kryjmy, owoce, zōłzy28… Smacznego 🙂

1dużo

2dzieci

3które

4ō- samogłoska w wymowie między o i u

5bardziej

6dorośli

7gdy

8urlop

9przejdą

10zachce

11przygotować

12Żoną

13obiad

14bita śmietana

15różne

16fura

17osiem

18rozpuszczonej

19szczypta

20wrzućcie

21gotowe

22rzadkie

23dajcie

24zamknijcie

25później

26sprawdzić

27przypaliło

28sosy




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*