Kurki ze szpinatym (Kurki ze szpinakiem)

Kurki to sōm1 chyba jedne z nojlepszych grzibōw. Majōm delikatny smak, kery2 fajnie sie łōnczy niy yno ze inkszymi3 warzywami, ale i niyjednym miysym abo rybōm. Niyfajno to majōm yno cyna4, ale rołz za jaki czas idzie sie trocha rozbestwić5– no, chyba, że mołcie we lesie kaj6 jako dobro sztela7 😉

Co potrza?

20 dkg kurek

20 dkg szpinatu- nojlepi te małe listki

2 zōmbki8 czosku

2 małe cukinie

2 kulki mozarelli

sōl i pieprz

oliwa

To idzie wartko9: na oliwie przesmołżcie w jakim gorku czosnek, dociepcie tam pokrōnoł cukinia, prziprawy i kurki. Jak już cukinia bydzie miynkoł10, to wciepcie11 na chwila szpinat, a jak sie zblanszuje (ôklapnie), to już mōmy jedzynie fertich12– mogecie13 jeszcze trocha dosmakować14. Na talyrzu na wiyrch15 powciepujcie plastry mozarelli i idzie sie brać za jedzynie. Joł16 żech mioł do tego steki ze tuńczyka (to je richtich17 dobre miyso), ale pasować do tego bydzie prawie wszyjsko, nawet jako rolada. Smacznego 🙂

1są; ō- samogłoska w wymowie między o i u

2który

3innymi

4cena

5rozpieścić

6gdzieś

7miejsce

8ząbki

9szybko

10miękka

11wrzućcie

12gotowe

13możecie

14przyprawić

15na górę

16ja

17naprawdę

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*