Karminadle ze krōlikym (Kotlety mielone z królikiem)

Pōnojś1 za starego piyrwy2 sie robiōło karminadle ze krōlika i wcale sie niy dziwia, bo wtedy przi kołżdyj3 ślōnskyj chałpie bōł krōliczorz4. Dzisiej to pryndzyj idzie znojś5 bajtla, kery chowie krōlika miniaturka, niż takego krōlika, kery miyszko w krōliczorzu. I tak żech sie pomyśłoł, że trza by trocha wrōcić do tego starego receptu6, choć sōm żech te miyso ôd krōlika połōnczōł ze wieprzowinōm, żeby trocha prziszporować7 😉

Co potrza?

500 g miysa ze krōlika

2 listki bobkowe

sōl i pieprz

2 zōmbki czosku

500 g wieprzowiny (moge być ta kula ze szinki)

sucho bōłka (abo i żymła)

łeżeczka majeranku

łeżeczka mostrichu8 (zynfu)

jajco

1 cebula

tarto bōłka

ôlyj do pieczynia

Tego krōlika to żech nojprzōd udusiōł we gorku- ale niy zawar9 żech go tam żywego, żeby sie udusiōł, yno do gorka żech wciep10 miyso, kere nojprzōd bōło przipieczōne na leko11 natłuszczōnyj patelni. Zalołech to wodōm, wciepłech tam listki bobkowe, trocha soli, pieprzu i jedyn zōmbek czosku. Tak ze godzina to sie powarzōło. Potyn trza bōło ôbrać te miyso ze kojści. Bez tyn czas idzie zamoczyć bōłka we wodzie- chyba, że mołcie12 jake ôtwarte piwo.

Wieprzowina, miyso ze krōlika i cebula żech pomelōł13, potyn dociep14 żech do niego wyciśniynty czosnek, jajco i prziprawy (sōl, pieprz, mostrich i majeranek), wymiyszoł i kuloł karminadle. Kołżdego ôbturłołech15 we tartyj bōłce i fajnie żech przibrōnołciōł16 na ôzgrzōnym17 ôleju. I fertich18. Smacznego 🙂

1podobno, ō- samogłoska w wymowie między o i u

2dawniej

3każdej

4domek dla królików 😉

5znaleźć

6przepisu

7przyoszczędzić

8musztardy

9zamknął

10wrzuciłem

11lekko

12macie

13zmielił

14dorzućcie

15posypcie, obtoczcie

16przypieczcie

17rozgrzanym

18gotowe

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*