Beza cirtōłnowoł (Beza cytrynowa)




Beza je słodkoł, kryjm cirtōłnowy kawaskowaty, a razym smakujōm idealnie. Za wartko1 sie tego niy robi, ale tyn czas sie werci2 😉

Co potrza?

Beza:

8 biōłek3

2 szklōnki cukru

ździebko4 soli

2 łeżki soku ze citrōłny5 abo ôctu

Kryjm:

3 citrōłny

0,5 szklōnki cukru

80 dkg masła

3 jajca

250 g syrka mascarpōne

Biōłka ubijcie ze cukrym i solōm na sztywnoł piana, a na sōm kōniec wmiyszejcie tam 2 łeżki soku ze citrōłny abo ôctu. Niyskorzi mogecie zrobić jak joł: na blasze ze bratruły6 położōł żech papiōr do pieczynia, narysowoł żech sie tam dwa prostokōnty, posmarowoł je masłym i potyn nałożōł na nie ubitoł piana. Na tyn kōnsek, kery bydzie na gōrze, mogecie tyż czyńść piany wycisnōńć szpricōm7, coby nōm to gryfniyj8 wyglōndało abo zrobić fajne wzorki warzechōm. Bratruła sie rozgrzyjcie na 120 stopni i wrojście9 dō ni te bezy. Jak minie pó godziny, to mogecie zmniyjszyć tymperatura na 100 stopni i niech sie ône tam siedzōm tak ze 1,5- 2 godziny. A potyn dejcie10 tyj bezie chwila na ochōdzynie11.

Bazōm12 kryjmu do przekłodania je kryjm citrōłnowy, kerego zrobicie przi okazji trocha wiyncyj i druge poła sie zjycie ze ajerkuchami13 abo… jak go skosztujecie, to już na zicher14 bajecie15 wiedzieć, jak go zjejś.

Kryjm citrōłnowy: we jaki misce abo gorku nad wrzōntkym ôzpuście16 masło, dodejcie tam starto skōra ze citrōłnōw (bez biołego), sok i cuker. Jak sie to wszyjsko fajnie wymiyszo, to wciepcie tam żōłtko i ubite biōłka i tak dugo miyszejcie (mikserym, trzepaczkōm abo warzechōm), aż fajnie Wōm zgynstnieje – połra minut na to zleci.

Potyn poła przełōżcie do jaki krauzy17 abo inkszego pojymnika i wrojście18 do lodōwki, a druge pó wymiyszejcie ze mascarpōne i przełōżcie tōm kryjmōm dwie warstwy bezy. Wrojście ta beza niyskorzi19 na chwila do lodōwki, żeby nōm ta masa trocha stwardła20 i… smacznego 🙂

1szybko

2opłaca

3białek

4szczypta

5cytryny

6piekarnika

7szpryca, rożek do dekorowania

8ładniej

9włóżcie

10dajcie

11ostudzenie

12bazą

13naleśnikami, racuchami

14na pewno

15będziecie

16rozpuśćcie

17słoika

18włóżcie

19później

20stężała




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*