Beza cirtōłnowoł (Beza cytrynowa)

Beza je słodkoł, kryjm cirtōłnowy kawaskowaty, a razym smakujōm idealnie. Za wartko¹ sie tego niy robi, ale tyn czas sie werci² 😉

Co potrza?

Beza:

8 biōłek³

2 szklōnki cukru

ździebko⁴ soli

2 łeżki soku ze citrōłny⁵ abo ôctu

Kryjm:

3 citrōłny

0,5 szklōnki cukru

80 dkg masła

3 jajca

250 g syrka mascarpōne

Biōłka ubijcie ze cukrym i solōm na sztywnoł piana, a na sōm kōniec wmiyszejcie tam 2 łeżki soku ze citrōłny abo ôctu. Niyskorzi mogecie zrobić jak joł: na blasze ze bratruły⁶ położōł żech papiōr do pieczynia, narysowoł żech sie tam dwa prostokōnty, posmarowoł je masłym i potyn nałożōł na nie ubitoł piana. Na tyn kōnsek, kery bydzie na gōrze, mogecie tyż czyńść piany wycisnōńć szpricōm⁷, coby nōm to gryfniyj⁸ wyglōndało abo zrobić fajne wzorki warzechōm. Bratruła sie rozgrzyjcie na 120 stopni i wrojście⁹ dō ni te bezy. Jak minie pó godziny, to mogecie zmniyjszyć tymperatura na 100 stopni i niech sie ône tam siedzōm tak ze 1,5- 2 godziny. A potyn dejcie¹⁰ tyj bezie chwila na ochōdzynie¹¹.

Bazōm¹² kryjmu do przekłodania je kryjm citrōłnowy, kerego zrobicie przi okazji trocha wiyncyj i druge poła sie zjycie ze ajerkuchami¹³ abo… jak go skosztujecie, to już na zicher¹⁴ bajecie¹⁵ wiedzieć, jak go zjejś.

Kryjm citrōłnowy: we jaki misce abo gorku nad wrzōntkym ôzpuście¹⁶ masło, dodejcie tam starto skōra ze citrōłnōw (bez biołego), sok i cuker. Jak sie to wszyjsko fajnie wymiyszo, to wciepcie tam żōłtko i ubite biōłka i tak dugo miyszejcie (mikserym, trzepaczkōm abo warzechōm), aż fajnie Wōm zgynstnieje – połra minut na to zleci.

Potyn poła przełōżcie do jaki krauzy¹⁷ abo inkszego pojymnika i wrojście¹⁸ do lodōwki, a druge pó wymiyszejcie ze mascarpōne i przełōżcie tōm kryjmōm dwie warstwy bezy. Wrojście ta beza niyskorzi¹⁹ na chwila do lodōwki, żeby nōm ta masa trocha stwardła²⁰ i… smacznego 🙂